Nos gañadores dos premios das votacións Casa Miranda alzouse co premio do xurado profesional coa súa creación Sabes a que sabe? e A Casa da Avoa fixo o propio coa elección popular coa súa tapa Bocado de Mar.
Lembramos que foron 10 os participantes neste evento ademais dos premiados estiveron Restaurante Arenal, A Marquesa, Cervecería Kiko, ConXeito, Hotel Nordés, Hotel Sargo, Palacio de Cristal e Restaurante Sargo. O prezo das tapas foi de 2 euros e a oferta foi moi variada e puidéronse satisfacer todo tipo de gustos.
Desde a directiva da asociación están encantados destas xornadas e valoran como éxito esta actividade que pretendía celebrar a chegada do verán e que se desenvolveron en 10 locais hostaleiros de Burela entre o 20 e o 23 de xuño.
A asociación vai estar presente en actividades durante todo o verán organizando e colaborando con proxectos locais porque como din eles mesmos, con Burela queren seguir medrando xuntos
