Burela, 23 de xullo de 2019. O Concello de Burela acolleu, este mediodía, a presentación da XXXV Feira do Bonito, que se celebrará os días 3 e 4 de agosto. En total vanse servir 3.500 quilos de túnido preparado á grella, cocido, en empanada, en salpicón e en marmitako. O alcalde burelés, Alfredo Llano, subliña que esta será unha edición moi especial xa que é a primeira que se celebra despois de que a feira fose declarada festa de interese turístico nacional. O pregón será pronunciado pola actriz Estíbaliz Veiga, o sábado ao mediodía, e pola noite actuará Budiño. Ademais do 2 ao 4 de agosto celebrarase, tamén no porto de Burela, a décimo novena edición de Produart, a feira de produtos artesáns e ecolóxicos, que contará con 60 stands.
O rexedor burelés dixo que “é unha edición que consideramos importante para o noso concello dado que é a número 35 e está considerada como de interese turístico nacional, e iso sempre é o inicio dun cambio e dunha singularidade que vai tomar esta feira a partir de agora”.
Alfredo Llano quixo “recoñecer a labor dos voluntarios e voluntarias que conforman a organización, que está dirixida pola sociedade cultural Ledicia. Esta xente que unha semana antes se pon a traballar de forma solidaria, cooperando e compartindo o moito traballo que hai que facer. Van xestionar nin máis nin menos que 3.000 ou 3.500 quilos de bonito, que se vai ofrecer á xente que se achegue a Burela o primeiro fin de semana de agosto. Farase en cinco preparacións. Tres vanse dar nunha bandexa, á grella, cocido e en empanada, sempre se fai así para que se teña unha idea global de como se pode preparar. Ademais tamén se vai ofrecer en salpicón e en marmitako. Eses dous días van ser importantes para a pesca e para o bonito e celebrarase no recinto feiral do porto de Burela”.
Tamén esta mediodía se presentou a XIX Produart, a feira de produtos artesáns e ecolóxicos. Que terá lugar do 2 ao 4 de agosto na nave de redes, onde vai haber 60 stands. “É moito o que se vai ofrecer este ano. Fíxose un traballo importante para dimensionar estes produtos, para que sexan atractivos e animen á xente a consumir produtos ecolóxicos”, manifestou Alfredo Llano.
O rexedor burelés engadiu que “é importante dicir que ao ser de interese turístico nacional a Feira do Bonito, imos intentar ir incorporando cousas e mellorar todo o que se poida. Queremos darlle as grazas a todos os voluntarios e voluntarias que están traballando moito para que isto vaia para arriba. É un gran atractivo turístico, cultural e gastronómico para ese primeiro fin de semana do mes de agosto”.
O alcalde, Alfredo Llano convida a que “se achegue a xente tanto da zona da Mariña, como doutros puntos de Galicia e de Asturias, porque esa fin de semana Burela vai ser o epicentro de toda a comarca. Ademais da Feira e de Produart, imos ter un atractivo musical como é a presenza de Budiño, que penso que vai atraer moitísima xente o sábado, ás dez da noite. Ademais esa mesma xornada será o pregón ofrecido pola actriz Estíbaliz Veiga, que é da nosa comarca, de Barreiros, e que tamén nos axudou noutros eventos. Creo que vai estar moi interesante e unha vez rematado vai haber unha sesión vermú que animará á xente a participar nesta edición da Feira do Bonito”. O pregón de Estíbaliz Veiga está previsto para as dúas da tarde.
No acto de presentación da XXXV Feira do Bonita e da XIX Produart participaron representantes de Ledicia, de Absa e da confraría de pescadores de Burela, entre outr@s.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
