Mondoñedo, 1 de xullo de 2019-. A Consellería de Medio Ambiente, Territorio e Vivenda convocará mañá a través do DOG a primeira orde de axudas para a adquisición de vivendas en centros históricos dirixida especificamente ao colectivo de menores de 35 anos. Así o anunciou esta mañá a conselleira Ángeles Vázquez durante unha visita a Mondoñedo, un concello cun dos centros históricos máis antigos de Galicia e onde os mozos interesados poderán acollerse a esta novidosa liña de subvencións, dotada en total de 800.000 euros.
Concretamente, a Xunta subvencionará con ata 12.800 euros a compra de inmobles localizados nos centros históricos dalgunha das sete grandes cidades e con ata 10.800 euros no caso de que a vivenda se emprace no casco vello de calquera outro concello. “O que queremos é levar aos mozos aos centros históricos das nosas vilas para que leven a cabo o seu proxecto de vida”, explicou Vázquez Mejuto, quen recalcou que a Xunta é consciente de que este colectivo é un dos que máis dificultades ten á hora de independizarse e acceder a unha vivenda, xa sexa en réxime de alugueiro ou en propiedade.
Este tamén é o fin doutra das liñas de axudas que ofrece o Instituto Galego da Vivenda e Solo (IGVS) aos menores de 35 anos. Así, a conselleira referiuse á convocatoria realizada o pasado mes de xaneiro da orde de axudas para a adquisición de vivendas en concellos de menos de 5.000 habitantes, dirixida tamén ao colectivo de mozos. Segundo as estimacións da conselleira, a través destas subvencións, tanto das convocadas o ano pasado como das deste, a Xunta axudará a arredor de 150 mozos a adquirir unha vivenda en propiedade.
Ángeles Vázquez aproveitou a súa visita a Mondoñedo para facer un repaso polos principais piares da política en materia de vivenda que está a impulsar o seu departamento, lembrando que en 2019 ten previsto mobilizar máis de 53 millóns de euros a través da convocatoria de 17 liñas de axudas diferentes: 11 delas en materia de rehabilitación de inmobles e as seis restantes, co fin de facilitar o acceso a unha vivenda.
Así, referiuse en concreto a algunhas das axudas que están a ter un impacto máis visible e beneficioso no Concello de Mondoñedo, como é o caso das subvencións dirixidas ás Áreas de Rehabilitación Integral (ARI), un total de 69 no conxunto de Galicia ás que hai que sumar á ARI dos Camiños de Santiago e a das Illas Atlánticas, a última en constituírse e a primeira de carácter insular. Precisamente, Ángeles Vázquez avanzou que mañá sairán publicadas no DOG as bases reguladoras das ordes de axudas que se convocarán proximamente para poder intervir e actuar este ano con fins rehabilitadores en calquera dos 126 concellos que abrangue a ARI dos Camiños –entre eles, o de Mondoñedo- e nos catro municipios que conforman a das Illas Atlánticas.
A nova Lei de Rehabilitación
Un exemplo máis desta aposta pola recuperación do patrimonio xa construído, tal e como explicou a conselleira, foi a aprobación da Lei de Rehabilitación de Galicia. En vigor desde o 22 de maio, este novo marco normativo é o primeiro en regular na comunidade esta materia partindo do principio básico de que “non hai maior desprotección para unha edificación que o seu abandono” e asumindo o reto de abrir un novo escenario propicio para a rehabilitación edificatoria e a rexeneración urbana, que contribuirá a dar vida aos nosos cascos históricos.
Nesta liña, Ángeles Vázquez anunciou que o Consello da Xunta daralle o visto bo a unha instrución sobre a nova lei para garantir que a súa aplicación práctica sexa áxil e homoxénea en toda Galicia. Así, explicou que nela clarificaranse conceptos relativos á concesión de licenzas por parte dos técnicos municipais ou ás normas que serán de aplicación directa, co fin de que o novo marco legal cumpra a súa función de simplificación, coordinación e axilidade administrativa á hora de rehabilitar, garantindo á vez a protección do patrimonio.
As Áreas Rexurbe e a revitalización dos centros históricos
Precisamente un dos obxectivos da nova Lei de Rehabilitación pasa por facilitar instrumentos e medidas que abran un novo escenario para darlle vida aos nosos centros históricos. Para iso, a norma crea unha nova figura: as chamadas Áreas Rexurbe de interese autonómico pensadas para núcleos históricos ou zonas especialmente degradadas que precisan dunha resposta áxil e integral tanto desde o punto de vista edificatorio como social, económico e mesmo ambiental.
Así, a conselleira referiuse tamén ao programa Rexurbe impulsado por primeira vez o ano pasado e que aínda que conta cun funcionamento diferente, baseado na compra de edificios nun número concreto de conxuntos históricos por parte do IGVS para a súa posterior rehabilitación, comparte tamén ese mesmo obxectivo de recuperación e posta en valor os cascos vellos como lugar para vivir.
De feito, lembrou que Mondoñedo é un dos sete concellos nos que a Xunta puxo en marcha o Rexurbe en 2018, cunha actuación de rehabilitación nun edificio da rúa Muíños de Arriba que permitirá dispoñer de dúas novas vivendas, e á que se lle dará continuidade este ano, xa que está previsto pechar un acordo co propietario do inmoble anexo para poder ampliar a intervención do IGVS neste barrio mindoniense.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
