Viveiro, 31 de xullo de 2019. A 2ª Edición Da Feira Da Cervexa Artesá De Viveiro, “BEER-VEIRO Fest”, terá lugar os días 1, 2, 3 e 4 de agosto de 2019 nos Xardíns Noriega Varela e nela poderanse degustar uns 70 tipos de cervexas artesás diferentes o longo dos seus catro días de duración; asistirán cervexeiros artesáns procedentes de diferentes partes de Galicia e algún invitado de fóra, como son : CERVEXA BUBELA (Lugo), CERVEXA XISTRAL (Viveiro), CERVEXA SKYNET (Ourense), CERVEXA A COVA DA SERPE (Lugo), CERVEXA BELECKER (Ponferrada), CERVEXA ALOUMIÑA (Lugo), CERVEXA THE ONE BEER (Madrid/ Sanxenxo), CERVEXA CASTREÑA (León), CERVEXA MISTERIO BREWING (Viveiro), CERVEXA LA FERROLANA (Ferrol), CERVEXA NASA (Ponferrada) e CERVEXA DOMENICUS (Lugo). A ASOCIACÍÓN GALEGA DE CERVEXEIROS ARTESÁNS é a encargada de realizar este evento, co que pretende dar a coñecer un produto elaborado de xeito artesanal e profundizar na cultura desta bebida.
Nesta segunda edición da BEER-VEIRO FEST habilitaranse stands nos Xardíns Noriega Varela para poder degustar as diferentes variedades de cervexa artesá . A entrada á feira é totalmente gratuíta, pero para consumir haberá que mercar o vaso conmemorativo da feira, no que se servirán as cervexas. Os visitantes que queiran acceder pero non consumir poden facelo, ao ser libre o acceso; o vaso da feira actúa como pasaporte para visitar os diferentes stands. O BEER-VEIRO FEST é un festival de carácter familiar, que ten como obxectivo principal fusionar a cervexa artesá coa comida de rúa e unha ampla programación de música, obradoiros para os cativos, concursos, etc., creando así un espazo cultural diferente, no que tamén se creará un espazo de xogos populares de madeira para os máis pequenos (a rá, pica peixe, a chave, aros…) e se ofrecerán talleres infantís.
O programa concreto da feira é o seguinte:
Xoves, 1 de agosto
18:00- Inauguración do festival
18:30- Apertura da zona de xogos populares
22:00- Concerto do grupo SKINTIGHT
00:00- Peche do festival
Venres, 2 de agosto
12:00- Apertura do festival
12:30-Apertura da zona de xogos populares
20:45- Concerto a cargo do grupo de música FAR AWAY PLACE
00:30- Peche do festival
Sábado, 3 de agosto
12:00- Apertura do festival
12:30- Apertura da zona de xogos populares
19:00- Obradoiro para nenos/as de elaboración de batidos a cargo de EUREKA KIDS
23:30- Concerto a cargo do grupo de música PUNTA NORTE
00:30- Peche do festival
Domingo, 4 de agosto
12:00- Apertura do festival
12:30- Apertura da zona de xogos populares
13:00- Sesión BEER-MU Dj Popy García (Tropical Boyz)
19:00- Obradoiro para nenos/as de cociña a cargo de EUREKA RESUKIDS
21:30-Concerto a cargo do grupo de música CROONER 432
22:30- Concurso da mellor etiqueta do festiva
22:35- Concurso da mellor cervexa do festival
22:40- Concurso do mellor foodtruck do festival
23:00- Entrega de premios aos cervexeiros
23:00- Clausura do festival
Tendo en conta que a BEER-VEIRO FEST coincide coa celebración da Mostra Folklórica Internacional, realizouse a programación prevendo que non se solapen os concertos nin os eventos.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
