O Pescados Rubén Burela FS despedirá a tempada este xoves, día 20, cunha cea no Hotel Nordés (21.30 horas), na que as Guerreiras Laranxas poderán festexar coa afección a última xesta, a I Copa de SM A Raíña. Todas as persoas interesadas poden reservar o tícket no Nordés, ao prezo de 25 euros, ata mañá, mércores 19, ás 15.00 horas. Menú: Patacas ao pobre con xamón, croquetas caseiras, chipiróns fritos, lagostinos á prancha e solombo de porco. Bebida (Rioja, Albariño, cervexa, refrescos…), postre caseiro, café e chupito.
