Viveiro 6-6-19. Este sábado día 08 de xuño e se a choiva o permite desta volta, disfrutaremos do primeiro Mercado Vivemar. Día no que desfrutar e celebrar o facer de feira. Antigamente en moitas feiras se escoitaba música, nesta tamén. Serán os Amigos do Folk os encargados de animar musicalmente a cita. Tamén había en moitas delas algunha actividade coa que divertir aos asistentes, así nacía a fama por exemplo de Barriga Verde co seu espectáculo de feira en feira. Pois para recuperar esa xeito de achegar cultura ao pobo, a compañía de teatro A Cova das Letras virá representar un espectáculo titulado “Teatro á Feira” e interpretado por Cristina Collazo e Anxo García, este último ben coñecedor e investigador da historia de Barriga Verde. Será ás 20:30horas
E nas feiras e mercados, sempre o fundamento era o mercadeo de alimentos e bens variados. Nesta ocasión a organización lamenta que de 14 postos que participarán só haberá dous propios de alimentos. A convocatoria foi lanzada convidando á participación sobre todo de conserveiras e demáis proxectos de alimentación vinculados ao mar. Sabedores tamén de que as primeiras edicións sempre son as máis complicadas para acadar a participación de feirantes e esperando haxa continuidade no tempo para ir medrando e mellorando pouco a pouco. Ademáis convídase aos postos de alimentación que habitualmente se dispoñen cada xoves ou sábado na Praza Maior a participaren conxuntamente con este mercado.
Pois esta cultura de feira e mercadeo pretende ser compartida e incentivada entre os máis novos. Haberá xogos populares onde desfrutar en familia durante toda a xornada. E ademáis do espectáculo que axudará a pechar a velada tamén se convida a nenas e nenos de diversas idades a acudir co seu posto. O mercadiño infantil será de 16:30 a 19:30 horas. Os que decidan acudir terán que traer o seu posto ao xeito de antes, caixas de cartón reutilizadas e adaptadas como postos. E poñerán á venda o que estimen oportuno, haberá quen se achegue con tartas e doces, empanadas, artiluxios feitos por eles, revenda de libros e xoguetes aos que non lles fagan uso, e un longo etcétera que será composto pola imaxinación deles. E xenial será ver como entre eles podan mesmo trocar unhas cousas por outras, fomentando deste xeito algo que tamén era moi dado en feiras de antano.
Ao remate do mercadiño infantil farase entrega de varios premios aos participantes máis miudos.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
