Santiago, 18 de xuño, 2019. A deputada do BNG, Montse Prado, reclamou hoxe na comisión de Pesca, a través dunha proposición non de lei, instar á Xunta a presentar no Parlamento un informe detallado “cos motivos da non execución dos fondos FEMP e as consecuencias, para os colectivos que terían que ser beneficiarios dos mesmos”.
Ademais, urxiu á Xunta a iniciar todas as accións necesarias para incrementar o grado de execución dos Fondo Europeo Marítimo e de Pesca. Na súa intervención recalcou que a falta de investimentos procedentes de Europa repercuten moi negativamente nos axentes do mar e acusou ao portavoz popular, Alberto Pazos Couñago de repetir a mesma “mentira” que a Consellería utiliza para xustificar esta falta de execución. Ano tras ano, explicou, Prado, o PP di que pon a disposición do sector un gran número de millóns de euros pero o que realmente oculta son as dificultades para “acceder ás axudas”. No ano 2018 o 63% quedou sen executar, e dende que entrou en vigor o fondo para o 2014-2020 non se executaron 63 M€ para un sector “moi necesitado deses recursos”.
Prado lembrou que dende o ano 2009 ao 2018 hai 3.769 persoas menos afiliadas á Seguridade social, neste mesmo período tamén 70 buques menos ao que sumou a diminución dos permisos de explotación, (Pemex). Mentres isto acontece, “a consellería de Mar permítese o luxo de deixar fondos sen executar” e mesmo impide que no Parlamento contemos cun informe para mellorar a situación.
Estamos a piques, dixo, de finalizar o período para a execución dos recursos europeos para pesca e o Partido popular segue instalado na “inmobilidade” impedindo o investimentos do Fondo europeo. Si tiveramos o informe, reiterou a nacionalista, “poderíamos avaliar que zonas foron recuperadas para o marisqueo, que medidas foron aplicadas para mellorar a competitividade e que proxectos non foron implementados”.
Tras a intervención do popular, Alberto Pazos Couñago, a deputada do BNG volveu acusalo de “mentirán” e reprochou á Consellería do Mar de carecer dunha “política que favoreza ao sector da pesca en Galiza” e aproveitar os fondos europeos para impulsar o “grande capital” con que contamos nesta materia.
Prado rematou lembrando que o Comisario de Pesca da Comisión Europea, Karmenu Vela, a preguntas formuladas pola eurodeputada do BNG Ana Miranda, sobre o estado de execución dos fondos FEMP no período actual contestou que “a Comisión é consciente dos atrasos na execución do FEMP por parte do Estado español” e animou a este a acelerar a execución dos cartos dispoñíbeis toda vez que só ten comprometidos o 16.5%.
O BNG urxe á Xunta a acelerar a execución dos fondos europeos na pesca galega
Relacionado
-
A alcaldesa de Vilalba, Marta Rouco, úrxelle á Xunta unha solución para a situación da estación de autobuses e do transporte escolar no municipio
-
O PP esixe a PSOE e BNG a adopción de medidas de seguridade viaria na LU-P-0701, que asume todo o tráfico procedente da costa coas obras da A6
-
A Deputación aproba acordos e contratacións para ofrecer máis e mellores servizos á veciñanza cun investimento de case 2M€
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
