Burela, 19 de xuño de 2019. O programa BUFANDO, Burela actÚa Fronte Á violeNcia De xénerO, achegou esta semana ás mulleres do concello a conceptos claves para a prevención da violencia de xénero e o fomento das relacións igualitarias entre mulleres e homes. O programa, impulsado polo concello de Burela no marco do desenvolvemento do Pacto de Estado, continúa con gran acollemento por parte da poboación burelense.
Co apoio do Centro de Información á Muller de Burela, esta semana leváronse a cabo dúas accións formativas dirixidas ás mulleres do concello, pechando así o ciclo de formacións para mulleres Bufando. As temáticas abordadas no día de onte estiveron relacionadas coa concepción, causas e escalada da violencia de xénero na sociedade, con énfase naquelas violencias cotiás de difícil detección – os micromachismos -; e cos conceptos de empoderamento feminino e redes de sororidade como instrumentos esenciais para a construción dunha sociedade igualitaria.
Estas accións formativas, coordinadas e realizadas polo equipo de ReTnova Proxectia Consulting S.L., empresa adxudicataria do programa, dan continuidade ao desenvolvemento do Pacto de Estado contra a violencia de xénero dende o eido local, e están financiadas con cargo aos créditos recibidos do Ministerio de la Presidencia, Relaciones con las Cortes e Igualdad, a través da Secretaría de Estado de Igualdad.
Mulleres de todas as idades participaron nas ditas formacións, involucrándose de forma activa no desenvolvemento dos talleres a través de dinámicas, reflexións conxuntas, debates e preguntas. A combinación de teoría e práctica permitiu profundar os conceptos máis básicos de forma vivencial, fomentando o entendemento profundo das desigualdades sociais, pero tamén dándolle sentido ás experiencias de discriminación e violencia das mulleres que participaron nas formacións dentro sistema patriarcal.
O programa BUFANDO seguirá activo nas próximas semanas, coa distribución de material informativo e formativo de grande interese sobre temáticas específicas que afectan ás relacións de desigualdade entre mulleres e homes e que o concello porá pronto a disposición da cidadanía.
Porque a aturar a violencia de xénero é responsabilidade de todos e todas, BURELA segue BUFANDO para afastar o machismo.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
