Burela 5-6-19. A Delegación Municipal de Cultura e a Área de Turismo e Cultura da Deputación Provincial de Lugo, presentan a Exposición fotográfica “Meridiano 7,30 º Oeste” do autor José Luís Rodríguez (PRADERO).
A mostra estará na Sala de Arte da Casa da Cultura de Burela ata o vindeiro, 21 de xuño, en horario de luns a venres, de 10 a 13 horas , e de 17 a 20 horas.
Pradero, nado en Anderlecht (Belxica) en 1969, iníciase como fotógrafo aos sete anos cunha Kodak Instamatic. Máis adiante, xa na súa xuventude, adicará gran parte do seu tempo a experimentar con diferentes cámaras e aprenderá a usar diversas técnicas sempre de forma autodidacta.
No ano 1995 comeza como profesional da fotografía soicial que derivará despois no fotoxornalismo colaborando co diario El Progreso. Dende 1999 ata 2013 traballa en La Voz de Galicia como redactor gráfico , e dende o ano 2014 para a revista Interviú ata o seu peche. Asemade, continúa realizando fotografías de publicidade, arquitectura, industrial, temática social e sucesos, destacando os seus traballos para medios como EL Mundo, EL País ou O Jornal de Notícias de Portugal.
No 2014 comeza o proxecto de fotografía das praias da costa luguesa avalado pola Deputación Provincial de Lugo. Aí descobre que a xente do mar está feita dunha pasta especial.
A súa fotografía documental vai máis alá do fotoxornalismo, sobre todo en canto a profundidade, xa que retrata o modo de vida e a situación social dun determinado grupo. A través destas fotografías achéganos á paisaxe e á vida das persoas da Mariña de Lugo, o sacrificio que realizan en condicións extremas, o seu carácter afable, sinxelo , humano e empático que evidencia o seu amor e o seu profundo respeto pola paisaxe, a natureza e as xentes . Todo isto dá como resultado unha gran beleza nas súas composicións.
“Non podes comunicar unha emoción se non a sintes primeiro. Non podes cautivar ao público se non transmite unha emoción…”
Froito da conexión do autor co mar e as súas xentes, presentamos esta serie de trinta e cinco fotografías agardando amosar as emocións vividas polo autor na paisaxe costeira da Mariña.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
