A Mariña, 20 de xuño de 2019. Con motivo da edición da nova guía sobre as Rutas de Artesanía que a Mancomunidade de Concellos da Mariña Lucense presentou o pasado venres, día 14, organízanse nas fins de semana de xuño unhas xornadas de portas abertas a obradoiros e recursos de distintas localidades da Mariña Lucense. Esta fin de semana é a quenda de Mondoñedo e A Pontenova. Estas accións realízanse no marco do convenio firmado coa Axencia de Turismo de Galicia.
No novo material informativo, que está dispoñible na páxina web e nas oficinas de turismo da comarca, proponse ao visitante coñecer a riqueza patrimonial, natural e gastronómica a través da proximidade e sabedoría dos artesáns da Mariña Lucense, principais protagonistas desta iniciativa. A nova proposta consta dunha serie de itinerarios nos que o visitante pode adentrarse no oficio do artesán e disfrutar dos valores naturais, culturais e gastronómicos da localidade onde se ubican e da súa contorna próxima.
As xornadas de portas abertas das Rutas de Artesanía da Mariña Lucense teñen por finalidade dar a coñecer con actividades gratuítas para o público xeral esta iniciativa. As xornadas deron comezo o pasado domingo en Cervo coa visita ao asteleiro de carpintería de ribeira de Francisco Fra e ao Museo Provincial do Mar. Na xornada participaron un total de 15 persoas de distintas procedencias como Asturias, Madrid, Terra Chá e da propia comarca da Mariña Lucense, que lle trasladaron a súa satisfacción á organización polo positivo da iniciativa.
As xornadas continúan esta fin de semana en Mondoñedo e A Pontenova. As actividades serán gratuítas e incluirán a visita a un ou dous obradoiros e unha actividade complementaria. O 22 en Mondoñedo co alfar, unha visita guiada ao centro histórico da cidade e ao canteiro pola tarde. O domingo 23 tocaralle á Pontenova coa visita ao taller dun ferreiro, á antiga estación de tren, que hoxe en día acolle a Aula de Interpretación da Pesca, e ao fornos de Vilaoudriz.
A iniciativa, que busca ofrecer un motivo interesante polo que desprazarse ao territorio antes da tempada alta, está dirixida tanto a locais que desexen coñecer mais sobre os recursos da zona como a visitantes que queiran vivir unha xornada diferente da man dos artesáns da Mariña Lucense.
O sábado 29 seguirán estas xornadas de portas abertas en Viveiro coa visita a dous ceramistas –un pola mañá e outro pola tarde- e unha visita guiada ao centro histórico. Viveiro pasará o testigo a Burela, que cerrará as xornadas o 30 de xuño cunha visita ás redeiras e ao barco museo boniteiro Reina del Carmen.
O presidente da Mancomunidade de Municipios da Mariña, Alfredo Llano, dixo que “estamos comprobando a boa acollida que está a ter esta guía de artesanía, que editamos, que xa se distribuíu en moitos sitios e que ademais temos programado unha serie de visitas concertadas para diferentes lugares. A semana pasada, o día 16, fomos a Cervo onde visitamos o asteleiro artesanal máis o Museo do Mar. Esta fin de semana, o día 22 vaise a Mondoñedo a coñecer o centro histórico cunha visita guiada, o canteiro máis o alfar. En Mondoñedo tamén están funcionando moi ben as audioguías teatralizadas que están en marcha e que son moi demandadas pola xente. O domingo 23 van ir á Pontenova a ver a un ferreiro onde vai haber unha demostración do seu traballo e tamén van ir á Aula de Interpretación da Pesca e a visitar os antigos Fornos de Vilaoudriz, ambas as dúas visitas moi interesantes e recomendables”.
Llano engadiu que “imos rematar os días 29 e 30 de xuño. O sábado 29 a visita será a Viveiro onde van ir ao Complexo Regal Xunqueira, coñecerán o centro histórico da man dun guía e unha visita guiada e tamén á artesá e ceramista Miriam Viveiro. Remataremos, o domingo 30, en Burela para visitar as redeiras e o barco museo”.
Para o presidente da Mancomunidade “a experiencia en Cervo foi total, a xente saíu contentísima. Fanse grupos de quince persoas como máximo para poder visitar, dunha forma cómoda e interactiva, aos diferentes artesáns que están programados para este mes. Hai xente interesada tanto para ir a Mondoñedo como á Pontenova e aínda quedan prazas, polo que animamos a todo o mundo a inscribirse e vivir unha experiencia diferente. Tamén xa se poden inscribir tanto para Viveiro como para Burela. Consideramos que desde a Mancomunidade estamos colaborando ben con estas guías que están perfectamente explicadas e ademais motivando a que se visiten a eses artesáns. Vemos que estamos dalgunha forma colaborando ben para que o turismo se interese por vir á nosa comarca e saquemos rendemento en todos os aspectos”.
A continuación indícanse as datas cos horarios aproximados:
Mondoñedo 22-06
Alfar 10:30 – 11:30
Visita centro histórico 12:00 – 13:30-14h aprox.
Canteiro 17:00 – 18:00
A Pontenova 23-06
Ferreiro 10:30 – 12:00
Visita Aula Interpretación da Pesca e Fornos de Vilaoudriz 12:30 – 14:00 aprox.
Viveiro 29-06
Regal Cerámica 10:30 – 11:30
Visita centro histórico 12:00 – 13:30-14h aprox.
Miriam Cerámica 17:00 – 18:00
Burela 30-06
Redeiras 10:30 – 11:30
Barco Museo “Reina del Carmen” 12:00 – 13:00 aprox.
Para asistir a algunha destas citas cos artesáns da Mariña Lucense é necesario anotarse en turismo@amarinalucense.gal ou no teléfono 654089894. O aforo máximo é de 15 persoas por xornada.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
