Burela 13-6-19. O alcalde burelés, Alfredo Llano explicou que “en Burela estamos xa facendo os trámites oportunos para contratar oito socorristas por parte da Xunta de Galicia e outros dous por parte da Deputación. Son dez en total os que van estar ocupando os seus postos durante dous meses, desde o 1 de xullo ata o 31 de agosto. Estábamos acostumados a que antes, na outra lexislatura que estivera eu de alcalde en Burela, que nos daban desde a Xunta de Galicia dez socorristas durante tres meses, ou sexa que eran máis socorristas e ao mesmo tempo contratos moito máis longos”.
Para Alfredo Llano “non se entende como estes días saen desde o PP de Viveiro, de Burela ou de Ribadeo dando as grazas á Xunta por estes dous meses de socorristas cando merman en número e merman en tempo”.
O rexedor dixo que “está contrastado e comprobado, dado que a min mo ten comentado a xente que quere participar como socorrista nas nosas praias do litoral da mancomunidade, que o problema que temos agora é que non damos acadado socorristas en número por unha razón moi simple, porque baixaron os contratos un mes, entón os rapaces, que normalmente eran estudantes, durante os tres meses do verán estaban contentos, pero agora ao ser dous meses de contrato o que procuran é buscar outros traballos que lles implique máis rentabilidade, máis estabilidade e máis cartos durante estes tres meses. Así que esta decisión por parte da Xunta de limitar o número de socorristas, pasar de dez a oito no noso caso, e limitar tamén o tempo, o que fai é que a xente teña cada vez menos interese, deixen de facer cursos para obter o título e esteamos perdendo oportunidades de contratar socorristas”.
Llano considera que “hai que ser coherente. Se a Xunta di que interesa o turismo para Galicia, non se pode dicir por un lado que se quere o turismo e por outro se limitan os medios para que os turistas poidan vir e ter garantida a seguridade nas praias. Nosoutros, como sabemos que a Xunta non nos dá ultimamente os socorristas que necesitamos, traballamos a través do Plan Único da Deputación e contratamos dous máis. En total contratamos a dez para estes dous meses que van estar. Imos ver agora se non temos dificultade ao solicitar ao INEM que nos mande dez ou doce rapaces ou rapazas que queiran participar nesta tempada de verán”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
