Ribadeo, 28 de xuño de 2019. O obradoiro de emprego Ribadeo co Camiño acolleu esta semana dúas xornadas dedicadas á reciclaxe, ao medio ambiente e á promoción do Camiño de Santiago con nenos e nenas das Colonias de Verán da Casa de Xuventude.
Os participantes do obradoiro de emprego puideron desenvolver un proxecto didáctico conxunto entre os dous módulos de Accións Culturais e Xardinería, que supuxo unha forma de aprendizaxe activa e participativa. Os alumnos/traballadores que reciben formación no Certificado de Profesionalidade de Dinamización, Programación e Desenvolvemento de Accións Culturais tiveron a oportunidade de organizar o colectivo infantil, preparar talleres ambientais e, en xeral, todos os labores relacionados coa organización das xornadas. Pola súa banda, os participantes que reciben formación do Certificado de Profesionalidade, Instalación e Mantemento de Xardíns e Zonas Verdes acondicionaron os espazos axardinados para o desenvolvemento das xornadas.
Na mañá do xoves corenta nenos e nenas das Colonias de Verán ribadenses achegáronse a Vilela (Cobelas) para gozar dos talleres de identificación de especies arbóreas, plantación dun espazo botánico de arbustos de froitos silvestres e elaboración de bombas de sementes. Os rapaces e rapazas foron guiados polos participantes no obradoiro de emprego e puideron levar para a casa un mini herbario de especies autóctonas. A práctica da que máis gozaron foi o momento da batalla campal á deforestación, co lanzamento de bombas de semente no espazo de carballeira.
E o venres un total de 47 rapaces e rapazas participaron na xornada da reciclaxe ao longo do Camiño de Santiago, concretamente na contorna do albergue da Pena. Gozaron de tres talleres de reciclaxe, construción de hoteis de insectos, hortos ecolóxicos e obradoiro de reutilización. A mañá deu comezo co percorrido dun tramo do Camiño de Santiago recollendo lixo para desenvolver o taller de reutilización de residuos; as rapazas e rapaces aprenderon a converter unha botella de auga nunha maceta de autorego sobre a que plantaron unha leituga e levárona para ás súas casas. Así mesmo puideron construír hoteis de insectos con madeiras vellas e caixas de cartón que colocaron para contribuír ao incremento da biodiversidade de especies. Na contorna do albergue municipal da Pena construíuse un horto ecolóxico con palés de madeira desbotables sobre os que os participantes puideron plantar hortalizas e decorar a madeira.
O proxecto didáctico Obradoiros Camiño Verde serviu aos participantes do obradoiro de emprego para experimentar unha forma de aprendizaxe participativa e colaborativa e aos nenos e nenas das Colonias de Verán serviulles como experiencia de concienciación ambiental. Sobre todo foron dúas xornadas de sensibilización ambiental e promoción do Camiño de Santiago ao seu paso por Ribadeo para todos os participantes en xeral, segundo explican desde a dirección do obradoiro de emprego.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
