Paco Nogueiras é diplomado en Graduado Social, músico e actor. Tras formarse cos artistas Andrés Pazos e Fabio Mangolini, impartiu clases de teatro e dirixiu representacións en entidades culturais e escolas. Foi actor e percusionista de Els Comediants e Os Quinquilláns. Na actualidade forma parte da Orquestra Os Modernos, da compañía Os Tres TENedORES e da Campaña de Animación á Lectura de KALANDRAKA. Participou en formacións de música tradicional e foi creador da banda sonora de varios espectáculos teatrais, musicais, de danza e dunha serie infantil da TVG. Ten colaborado con Ophiusa e co proxecto Apego. (Información tirada da web da editorial Kalandraka)
A Agrupación Cultural Francisco Lanza quere que a nosa cultura e lingua chegue tamén ás nenas e nenos, pois son elas e eles os que no futuro poden mantelas e transmitilas. Por iso vos convidamos a este concerto e animamos a que convidedes á xente miúda da vosa familia ou amizades.