Mondoñedo 20-6-19. As alumnas do IES San Rosendo de Mondoñedo, Ana Rubal, Xiana Rego e María Bouso, atópanse representando ao proxecto sobre a distribución, etoloxía e fenoloxía do lobo, titulado “O da la miuda”. Veñen de recibir o 1º premio da súa categoría no XXXI certame “Jóvenes investigadores”, organizado polo Ministerio de Ciencia, Innovación e Univesidades e celebrado en Málaga; tamén gañaron unha estancia en centros do CSIC e a participación nunha feira científica internacional que se celebrará en Sofía. Un gran recoñecemento ao duro traballo realizado ao longo deste curso no Club de Ciencia.
