Viveiro 13-5-19. Continuando coas accións que ven realizando a Fundación Ecotur en Viveiro e comarca. Estaba convocado para hoxe ás 17:30h en Regal Xunqueira un acto onde se ía presentar VIVEIRO 2030. Plan Estratéxico de Turismo Sostible de Viveiro. Ante a falta de asistentes posponse o acto ata
novo aviso. No acto estaba previsto dar a coñecer o valor do turismo sostible e a oportunidade que representa para Viveiro no caso de apostar por este tipo de estratexia.
O turismo sostible ou ecoturismo consiste en viaxar a entornos naturais ou non, para adquirir coñecementos sobre os valores sociais, culturais e naturais da área, sempre co mínimo impacto posible sobre o medioambiente. Se o ecoturismo está ben planificado, pode e debe contribuir á conservación da natureza e das culturas, da súa diversidade, e ao mesmo tempo, proporcionar unha alternativa económica para as poboacións locais.
As directrices para o desenvolvemento sostible do turismo e as prácticas de xestión sostible aplicánse a tódalas formas de turismo en tódolos destinos. Os principios de sostenibilidade refírense aos aspectos medioambientais, económicos e socioculturais do desenvolvemento turístico.
Debéndose establecer un adecuado equilibrio entre esas tres dimensións para garantir o longo prazo, a consecución de propostas claras en cada dimensión. O desenvolvemento sostible do turismo esixe a participación informada de tódolos axentes
relevantes, un liderazgo político firme para lograr unha colaboración ampla e establecer un consenso colectivo. O logro dunha estratexia deste tipo, é un proceso continuo e continuado dun seguimento constante das súas incidencias, para introducir medidas preventivas ou correctivas
necesarias no avance da mesma.
É por esto, que para Viveiro cómpre facer un amplo chamamento a tódolos sectores para analizar en qué medida poden ou deben aportar ao complemento do conxunto de medidas e accións que resulten da estratexia. Esto é, deseñar conxuntamente a liña de propostas e accións nos diversos campos de actuación e xestión, como son a auga, a alimentación, o forestal,a pesqueira, o rural, a empresarial e de emprendemento, a cultural, a educativa,a comercial,a enerxética,etc.
Así que esperamos que en vindeiras datas podamos compartir entre os axentes e cidadanía o que pode ser un verdadeiro motor económico para Viveiro. Porque non hai que esquecer que os fondos económicos europeos están a “premiar” a investigación e innovación, así que porqué non pensar en facer de Viveiro un centro experimental e de innovación en turismo sostible.
A delegación da Fundación Ecotur en Galicia ten a súa sede en Viveiro, dirixida por Lucas Requejo.
Fundación Ecotur
O obxectivo da fundación é expandir, promocionar e crear oportunidades arredor de proxectos onde a sostenibilidade do turismo sexa a base sobre a que crear experiencias que poñan en valor as tradicions locais, o patrimonio cultural e natural do medio rural de maneira comprometida cun adecuado desenvolvemento rural e sostible.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
