Burela, 22 de maio de 2019.- O candidato á alcaldía de Burela, Manuel Rouco, vén de reunirse coa directora xeral de comercio, Sol Vázquez, en Santiago. Nesta reunión, na que estivo acompañado por outros dous dos membros da candidatura, Oroza e Pardeiro, puxéronse enriba da mesa as carencias que sofre a Acia Burela nestes momentos e que xa lle foran trasladadas no seu día á Agrupación Local do Partido Popular por parte da directiva desta asociación de comerciantes.
Neste senso, Sol Vázquez, considera que unha Acia forte neste concello é fundamental. Rouco comentoulle que “é necesario que a asociación conte cunha subvención continuista no tempo que lle dea estabilidade ás propostas promocionais que os comerciantes queren ter na vila”. Para isto Vázquez ve “necesario profesionalizar a xerencia de dita entidade”.
O candidato burelao, propuxo unha solución conveniada pioneira entre Acia Burela, Consellería de Comercio e Concello de Burela “en caso de que o Partido Popular sexa a opción de goberno do municipio mariñán”, é continúa, “que lle daría saída a esta cuestión sen que para elo os comerciantes de Burela tiveran que asumir ningún tipo de risco patrimonial”.
“Con este triple convenio as axudas para o comercio local de Burela, cando menos, poderían chegar a triplicarse” afirma o candidato popular.
Esta é unha mostra máis da filosofía de goberno que pretende instaurar este novo proxecto do PP en Burela, e que pasa por “traballar sen descanso ata que os problemas que son presentados por parte dos diferentes colectivos da vila teñan solución”.
Llano reduce a subvención
“Lamentamos que o actual alcalde Llano lle limitara tanto os seus recursos á asociación de comerciantes de Burela reducindo a case que a metade a subvención que no seu día instaurou outro goberno local do Partido Popular”. A este respecto, conclúe, “non lle chegaba con tratar de subir os impostos, caso das farmacias da vila, se non que tamén tiña que mermar as axudas municipais ao comercio”.
Rouco reuniuse coa Directora Xeral de Comercio para concretar un convenio pioneiro que solvente as carencias que está a sufrir Acia Burela
Relacionado
-
A alcaldesa de Vilalba, Marta Rouco, úrxelle á Xunta unha solución para a situación da estación de autobuses e do transporte escolar no municipio
-
O PP esixe a PSOE e BNG a adopción de medidas de seguridade viaria na LU-P-0701, que asume todo o tráfico procedente da costa coas obras da A6
-
A Deputación aproba acordos e contratacións para ofrecer máis e mellores servizos á veciñanza cun investimento de case 2M€
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
