Lugo, 27 de maio de 2019. O Secretario Xeral do PSOE na Provincia de Lugo, Álvaro Santos Ramos, valorou este luns os resultados das Eleccións Municipais na provincia, “que permiten que os socialistas poidamos gobernar en 28 Concellos lucenses, tendo responsabilidades de goberno en máis do 50% dos veciños da provincia, uns 160.000”.
Santos Ramos explicou que “a participación foi moi similar a do 2015, cun 71,51%. En termos de distribución do voto, o PSOE mantén a súa posición cun 34,45%, sendo 65.000 os veciños que depositaron a súa confianza en nós. O reparto de electores por partidos políticos é moi semellante ao de 2105, o que non inflúe no resultado da corporación provincial. Ao PP non lle da a maioría absoluta, polo que o PSOE e BNG poderán gobernar a Deputación”.
Participación en 32 Concellos
Santos Ramos explicou que “estes resultados implican que ademais de gobernar en 28 Concellos, poderemos cogobernar noutros 4 (O Páramo, Muras, Barreiros e Rábade), o que significaría que o PSOE poderá participar nos Gobernos de 32 municipios da provincia. Trátase dunha mellora cuantitativa, pasando dos 29 gobernos municipais en 2015, aos 32 deste ano. Outro dos datos que hai que ter en conta é que pasamos de ter 17 maiorías absolutas a 19 nestes comicios”. O PSOE ten maioría absoluta en Alfoz, Castroverde, Cervantes, Guitiriz, Láncara, Lourenzá, Meira, Navia de Suarna, Negueira de Muñiz, Ourol, Pedrafita do Cebreiro, Pol, A Pontenova, Ribas de Sil, Ribeira de Piquín, Samos, Trabada e Xermade; e pode liderar Gobernos en Burela, A Fonsagrada, Foz, Monterroso, Lugo, A Pastoriza, O Valadouro, Vilalba e Viveiro.
O PSOE lidera a esquerda
O Secretario Provincial valorou que “o que demostran estas eleccións é que o Partido Socialista lidera a esquerda, o voto vangardista e progresista, o que sempre tratou de sumar, feito que imos seguir facendo co obxectivo de mellorar o día a día dos veciños. O PSOE hoxe non só mantén a posibilidade de Gobernar a maior parte dos veciños da provincia de Lugo, senón que incrementa tamén o número de Alcaldías e mantemos a posibilidade de Gobernar na Deputación, confiando en poder facelo”.
“Este resultado sitúa ao partido socialista nunha nova etapa de compromiso con todos e cada un dos nosos veciños, establecéndoo como o partido que debe continuar sendo quen desenvolva os proxectos que temos iniciado nesta provincia: a rede de residencias, o plan único, os programas de emprego, as axudas aos colectivos sociais e do eido do benestar…”
Freo ao oportunismo
Santos Ramos subliñou que “o oportunismo non tivo espazo na política, nas corporacións locais e provinciais, e hai un claro mandato da xente de botar fóra das administracións ás persoas con actitudes personalistas e egoístas, que non participan na política en beneficio da sociedade, senón para cumprir outro tipo de obxectivos. O Partido Popular na Deputación sempre estivo abrazado ao transfuguismo e á traizón ao PSOE, para bloquear proxectos para a cidadanía, unha situación que os veciños rexeitaron e que non se vai volver a producir”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
