Viveiro, 16 de maio de 2019. A Alcaldesa de Viveiro, María Loureiro, recibiu este xoves á Vicesecretaria Xeral do PSOE, Adriana Lastra, nun encontro no que tamén estivo o Presidente da Deputación, Darío Campos, o Secretario Xeral Provincial, Álvaro Santos, e o Secretario Xeral do PSdeG, Gonzalo Caballero. Loureiro logrou o apoio expreso da número 2 do PSOE ao seu proxecto para abrir Viveiro ao mar retomando unha iniciativa que impulsou Melchor Roel desde a Alcaldía e que foi aparcado polo Goberno do Partido Popular. Adriana Lastra avanzou que o Executivo de Pedro Sánchez impulsará o proxecto da rexeneración da marxe dereita da ría.
María Loureiro subliñou que “está abandonada e sen humanizar porque o PP paralizou e meteu nun caixón o proxecto que iniciamos os socialistas dende o Concello. Nós, dende o Goberno Municipal pedimos en varias ocasións a Portos que nos cederán os terreos pero sempre nos dixeron que non. Agora co PSOE avanzaremos nos trámites para que Portos traspase os terreos do peirao e da zona do Casino que imos humanizar para dotar dunhas pistas deportivas no casco urbano. Para que Viveiro de unha vez por todas estea aberto ao mar”. Adriana Lastra sinalou que “hai que arranxar a ría dereita de Viveiro. É un proxecto que xa empezou Melchor Roel e que vas finalizar ti María. Porque este Goberno Socialista vaite axudar. E será posible máis pronto que tarde, para conseguir abrir Viveiro ao Mar”.
“Xogámonos 2 Viveiros”
María Loureiro destacou que “o 28 de maio xogámonos 2 Viveiros. O Viveiro de antes, dos amiguismos, do caciquismo, onde o Concello está por riba e os veciños abaixo. Fronte a un Viveiro onde o equipo de goberno é un veciño máis porque non lle debe nada a mingúen, que só pensa en atender as súas demandas. Porque para iso estamos, para traballar por eles. Para os veciños de Viveiro xa se nota que está o PSOE no Goberno Central. Tiñamos unhas obras paralizadas no paseo marítimo de Viveiro que grazas á chegada de Pedro Sánchez desbloqueouse o proxecto e agora vaise facer un estudo para afondar nas actuacións do paseo marítimo e as escaleiras de San Circo.
O PSOE o único partido comprometido cos traballadores de Alcoa
“Hai que falar de emprego. Os galegos e os asturianos sufrimos un problema herdado, Alcoa. A responsabilidade é do PP e dun Presidente, Aznar, que decidiu vendeu unha empresa que era innovadora e puntal para o territorio. Dende hai 20 anos Alcoa leva sen recibir nin un só investimento desde que se venderon as fábricas. Que fixo este Goberno? Remangouse e plantouse en Estados Unidos e díxolle á empresa, se queres irte de España podes pero as fábricas e os empregos quedan aquí. Somos o único partido que ten un proxecto industrial para as industrias das Comarcas. Acabamos de poñer encima da mesa 200 millóns para os custos de CO2. E somos os únicos que falar dunha tarifa especial para as electrointensivas porque somos coñecedores das súas necesidades. Eses son os compromisos do Goberno do PSOE no Estado, e por iso, os traballadores saben que somos os únicos que aseguran o emprego.
“Onde quere recortar o PP chega Darío e os Alcaldes do PSOE”
“É moi importante ter uns bos resultados o próximo 26 de maio para manter a Deputación porque a provincia de Lugo estivo abandonada sempre polo PP desde a Xunta e desde o Goberno Central. E onde eles queren recortar, chega a Deputación, e chega Darío e os Alcaldes socialistas e melloras as infraestruturas e os servizos públicos dos Concellos. Por iso é fundamental seguir traballando polos nosos veciños e lembrarlles que temos adversarios. As dereitas, que se suman 1 van gobernar; e o segundo, a desmobilización. O que empezou no 28 de abril ten que continuar agora.
“Os maiores investimentos en Galicia foron nos 11 meses de Pedro Sánchez”
“Os maiores investimentos na historia de Galicia foron en 11 meses con Pedro Sánchez de Presidente. E con 84 deputados, agora con 123 e unha dereita en descomposición seguiremos nesta liña. Para iso necesitamos que haxa Alcaldes socialistas, que haxa un Presidente socialista. Porque seguímonos xogando os mesmo que o 28 de abril. Os mesmos dereitos e as mesmas liberdades. Estámonos xogando o estado de benestar. O primeiro cargo público que tivo o PSOE foi un concelleiro, somos o partido que máis concelleiros e Alcaldes ten en España, o partido que mais candidaturas presentou en España. Porque somos un partido municipalista. Entendemos que empezamos a transformar a vida dos nosos veciños e da sociedade a partir dos concellos. E estou segura de que María alcanzará a maioría absoluta”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
