Burela, 16 de maio de 2019. – O programa CATUXA, de sensibilización sobre a violencia de xénero e de igualdade de xénero entre mulleres e homes, levou a cabo onte un encontro entre familias e profesorado de diferentes centros educativos da Mariña Lucense, co obxectivo de ofrecer ferramentas para a detección e prevención de violencia de xénero entre os e as adolescentes.
O director do IES Perdouro, Santiago Pedro do Cobo, xunto con Alfredo Llano García, o Presidente da Mancomunidade da Mariña Lucense, impulsora do programa CATUXA, foron os encargados de dar a benvida ás persoas asistentes e de agradecer o compromiso con CATUXA no seu percorrido polos 11 centros educativos públicos de ensinanza secundaria da Mariña Lucense.
Coa moderación da directora de Catuxa (e directora de Retnova), Rosa Torrado, durante este encontro interviron a Directora e asesora xurídica do CIM de Ribadeo, Luísa Couceiro Rodriguez, e Beatriz Ruíz Perez, da Plataforma Unitària contra les Violències de Gènere, de Barcelona. As relatoras abordaron a violencia de xénero na adolescencia dende a súa experiencia profesional, ofrecendo exemplos e recursos ás familias e ao profesorado tanto para a fase de prevención da violencia de xénero como de detección e intervención cando esta xa se estea producindo.
O encontro entre as familias e os centros educativos foi un espazo enriquecedor e proveitoso, no que o debate foi o elemento clave. A motivación, o interese e a implicación das persoas asistentes permitiu a identificación de preocupacións comúns por parte das familias e o profesorado, inquietudes ás que as relatoras deron respostas dende o eido profesional. Asemade, a sinerxía entre todas as persoas que estaban no IES Perdouro puxo de manifesto a necesidade de consolidar as redes de apoio e actuación conxunta fronte á violencia de xénero na Mancomunidade da Mariña Lucense, implicando non só as institucións senón a toda a cidadanía.
CATUXA dispón dun teléfono (604067520) e correo electrónico no que o alumnado, profesorado, nais e pais poden formular as consultas que precisen en materia de detección e prevención de violencia de xénero.
O programa pechará as súas actividades en centros educativos o próximo mércores 22, no IES Dionisio Gamallo, de Ribadeo.
Pódese seguir a súa actualidade en Instagram e Facebook: @programacatuxa
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
