O Pescados Rubén Burela FS visitou onte o alumnado da Escola Infantil de Vilalba. O director da Escola Deportiva laranxa, Alfonso Mera, xunto a Luci, Jenny, Lucho e Iago Míguez, descubriron as marabillas do fútbol sala entre os preto de 100 pequen@s de entre 3 e 6 anos, que puideron gozar de actividades moi variadas ao longo da xornada. O club mariñán achegou o programa de ‘Descubre o Fútbol Sala’ á vila da Terra Chá en colaboración coa ANPA do centro.
