Riotorto, 22 de maio de 2019.- O BNG de Riotorto percorre nestes días as parroquias para dar a coñecer á veciñanza o seu programa electoral, un compendio de medidas que teñen como obxectivo recuperar a axenda social para o concello e crear as condicións para que a sangría demográfica non siga avanzando.
Os nacionalistas avanzan que estudarán “establecer axudas anuais para paliar os gastos derivados do consumo eléctrico das familias con rendas máis baixas”, aproveitando os impostos que se recaden coa posta en funcionamento do parque eólico A Pastoriza, con nove aeroxeneradores no municipio. A formación sostén que “só as políticas do BNG garanten que os ingresos que xenere o parque repercutan na veciñanza” e poñen como referencia ao concello de Muras, pioneiro en establecer bonificacións do consumo eléctrico con cargo aos ingresos derivados dos aeroxeneradores.
Os nacionalistas recordan que durante a súa etapa no goberno modificaron as taxas por obras e licenzas urbanísticas para que o concello obtivese o máximo beneficio do parque eólico. “Unha forma de actuar ben diferente á do Partido Popular que puxo as dependencias municipais ao servizo dos representantes de Norvento para que negociasen a compra dos terreos”, denuncian. O Concello de Riotorto ingresará uns 765.000 euros polo Imposto sobre Construcións, Instalacións e Obras (ICIO) e pola licenza urbanística que debe pagar a empresa éolica.
As medidas de carácter social son o eixo central do proxecto dos nacionalistas que propoñen recuperar a gratuidade do Servizo de Axuda a Domicilio, que mantiveron sen custe adicional para os veciños durante os seus mandatos, crear un banco con material ortopédico e establecer axudas ao estudo.
O programa electoral compromete achegas de 100 euros as familias con nenas e nenos matriculados no colexio de Riotorto ou nos institutos dos concellos veciños onde teñen que completar a ensinanza obrigatoria. Tamén propoñen axudas para transporte destinadas a estudantes de Bacharelato, ciclos ou estudos universitarios.
“A nosa prioridade será crear as condicións para que as veciñas e veciños poidan vivir no concello”, conclúen os nacionalistas, que propoñen incentivar a produción ecolóxica e tradicional nas explotacións agrogandeiras do municipio.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
