Trabada, 24 de maio de 2019. A Rexedora socialista de Trabada, Mayra García Bermúdez, criticou este venres “a sen vergoña do Partido Popular que utilizan para facer campaña repartindo sobres con votos as instalacións da residencia mentres nos levaron ao xulgado para evitar que a puxésemos en marcha”.
A Alcaldesa do PSOE informou que os populares de Trabada foron nesta mesma semana a facer campaña á residencia dos maiores cando nunca apoiaron a posta en marcha desta dotación social, e polo tanto déronlle as costas aos veciños que están alí recibindo atención profesional, tentando aproveitarse deles.
“De pouco sirve que haxa unanimidade en Trabada para aprobar as ordenanzas e os regulamentos, o que di bastante tamén da altura de miras do grupo que represento por acadar unanimidade nas cuestións máis importantes, a pesar de ter maioría absoluta.”
García Bermúdez lembrou que o proxecto de construción da Residencia e Centro de Día público do Concello de Trabada naceu no ano 2010, á proposta do anterior Presidente Provincial, José Ramón Gómez Besteiro (PSOE). Tal e como se apunta na acta da sesión do Consello de Administración de SUPLUSA, o PP non votou a favor da súa construción neste municipio”. (Véxase documento 1)
Neste senso, é importante lembrar que os intentos por bloquear a apertura das residencias por parte do PP non acabaron aquí, senón que, o Consello de Administración de SUPLUSA, no que só participan o Deputado non adscrito e o PP, acordaron levalo á xustiza para intentar evitar que os veciños de Trabada desfrutasen deste servizo tan necesario. (Véxase documento 2)
Finalmente, e tal e como sempre defendeu o PSOE dende o Concello e a Deputación, a xustiza impediu ao PP paralizar o funcionamento da residencia. O Xulgado Contencioso Administrativo Número 1 ditou que “NO HA LUGAR” á suspensión solicitada e interpón costas á parte recorrente, PP e non adscrito. (Véxase documento 3)
O auto sinala que “una situación como la pretendida por la recurrente paralización del procedimiento de adjudicación de los contratos litigiosos para la puesta en funcionamiento de los Centros de Ribadeo y Trabada –ya en fase de ejecución- con numerosas solicitudes de plaza en los mismos, no cabe duda de que provoca un quebranto para el interés público, pues impediría o comprometería la puesta en funcionamiento de los servicios, en perjuicio del interés general”.
“Desta forma queremos evidenciar que o que dicimos é verdade. Hai unha cousa moi clara, mentres uns traballábamos para poñela en marcha e a disposición dos nosos veciños, outros lévannos ao Xulgado para intentar que non se abrira, sen importarlles que houbese veciños agardando por este servizo”, subliñou a rexedora.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
