Ribadeo, 21 de maio de 2019. Hoxe celebrouse unha xuntanza da comisión mixta de valoración do novo centro de atención a persoas maiores de Ribadeo na que se supervisaron as 47 solicitudes de prazas presentadas. O alcalde ribadense, Fernando Suárez, confirmou que 30 desas solicitudes que están conformadas coa totalidade do expediente e poden ser pasadas ao sistema de valoración. O rexedor adiantou que o vindeiro venres, 24 de maio, será asinado o contrato de xestión de servizos coa empresa Clece e será a partires de xuño cando os primeiros usuarios poidan ir accedendo a esta instalación.
Fernando Suárez contou que “con moita alegría e con moita satisfacción estamos dando un novo paso firme para a apertura e posta en marcha deste soño colectivo que significa o centro de atención a persoas maiores de Ribadeo”.
O alcalde explicou que “no día de hoxe celebrouse unha comisión mixta de valoración onde, despois de ter presentado 47 solicitudes, despois de que abríramos o prazo hai máis ou menos un mes, xa hai 30 destas solicitudes que están conformadas coa totalidade do expediente, con toda a documentación, e xa se poden pasar ao sistema de valoración. Esta comisión está conformada por técnicos, tanto do Concello de Ribadeo como da Deputación, e vai propoñer a aprobación desta primeira remesa de 30 persoas e vai establecer tamén a orde de entrada ao centro destes beneficiarios”.
O rexedor ribadense engadiu que “este venres se asinará o contrato de xestión de servizos entre a Deputación e a empresa adxudicataria Clece, polo que a partires destes primeiros días do mes de xuño poderán ir entrando os beneficiarios deste servizo público”.
Suárez Barcia lembrou que “este servizo público foi feito co alento de toda a veciñanza que nos apoiou nestes últimos anos, feito co esforzo económico e técnico da Deputación e máis do Concello de Ribadeo, e feito tamén a pesares das reticencias manifestas, e da non inversión dun can, por parte da Xunta de Galicia. Poucos días despois de ter recibido o PIA, o permiso de inicio de actividade, hai un mes e pico, abrimos os prazos, agora estamos avaliando as peticións, e o venres asinarase o contrato de funcionamento que garantirá ao mesmo tempo que tanto o Concello como a Deputación, en réxime de cooperación, terán a xestión e a dirección deste hotel de luxo, que é o noso centro de atención a persoas maiores de Ribadeo. Eu podo dicir que por estas cousas paga a pena ser un servidor público”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
