Foz, 3 de maio de 2019.- O Secretario Xeral do PSOE na Provincia de Lugo, Álvaro Santos Ramos, Deputados, Alcaldes, concelleiros, voceiros e militantes de todos os Concellos da Costa denunciaron este venres un novo ataque da Xunta de Galicia aos 72.000 veciños da Mariña coa supresión de persoal á ambulancia medicalizada de Foz. Fixérono tras facerse público os novos pregos do contrato ofertado polo Sergas e o 061 no que aparece a eliminación dun TES (Técnico de Emerxencias Sanitarias) para a ambulancia focenses, sendo a única de todas as existentes de Galicia que sofre recorte de dotación de persoal.
Santos Ramos advertiu que esta non é a primeira vez que o goberno galego reduce o número de profesionais da ambulancia medicalizada de Foz, pois xa no 2011 quitaron persoal, pasando de prestar este servizo as 24 horas a só 12. “Trátase dun novo recorte á sanidade da Mariña que empeorará significativamente a calidade dun servizo onde o tempo de resposta é vital para mitigar as consecuencias aos doentes provocadas polas patoloxías. E porqué o empeorará? Porque en moitas situacións de emerxencia son necesarios 2 técnicos e non 1 para trasladar aos pacientes, para o material ou porque un TES ten que estar en cabina ante a gravidade do problema. Porque o técnico terá que encadear varias quendas de condución do vehículo sen opción a descansar, afectando á seguridade do paciente, nun servizo no que se precisa máxima concentración. Ademais, de que ao estar só 12 horas dispoñible, no caso dunha emerxencia en Foz, o Sergas envía unha das 4 ambulancias que ten a Mariña as 24 horas, empeorando tamén o servizo de Burela, Viveiro, Ribadeo e Mondoñedo”.
“Unha vez máis a provincia de Lugo é discriminada pola Xunta e conta co respaldo do PP na provincia pois no Pleno da Deputación negáronse a debater e a aprobar unha proposta do PSOE que pedía que se corrixise esta discriminación. Xa fomos atacados cando suprimiron as áreas sanitarias, cando tardaron 10 anos en implantar Hemodinámica as 24 horas no HULA ou cando non dotan de novos servizos aos Hospitais. Para o PP hai cidadáns de primeira e de segunda, e está claro que os lucenses somos de segunda. Estamos fartos de que as súas políticas estean desmantelando e recortando máis e máis servizos sanitarios públicos. De que sigan xogando coa saúde dos lucenses. Basta xa”, censurou Santos Ramos.
PNL rexistrada no Parlamento Galego
A Deputada do PSOE no Parlamento Galego, Patricia Otero anunciou que os socialistas rexistraron unha proposta na cámara galega esixindo que se manteñan os 2 técnicos no servizo de ambulancia de Foz, así como ampliar o servizo de Ambulancia de Soporte Básico Vital ás 24 horas, tal e como estaba no 2011, para non empregar ningunha das ambulancias de Viveiro, Burela, Mondoñedo ou Ribadeo en caso de emerxencia.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
