Ribadeo 28-5-19. Este sábado o ribadense desprazouse ata Vigo para participar no Campionato galego sub 18 de aire libre.
Aleix competía en tres probas na xornada de tarde, empezando ás 17.30 h. nos 100 m.l. Tomaba a saida na 2ª serie e acadaba a 3ª posición da mesma, igualando tempo co 2º clasificado, 11.80 seg., que o levaba á sua vez a mellorar o seu mellor rexistro en 24 cts.
Tres horas máis tarde competía nunha das suas especialidades, os 400 m.l., onde chegaría a primeira alegría da tarde, a medalla de prata, tras parar o crono en 53.28 seg., rebaixando ó mesmo tempo a súa mellor marca en máis de un segundo.
Para rematar a xornada e sen tempo para o descanso, tocaba competir na 4ª posta dos 4*100 m.l., acadando unha nova medalla de prata xunto cos seus compañeiros da Escuela Atlética lucense, cun crono de 43.52 seg.
Estas duas medallas son unha gran recompensa ó traballo da tempada, na que Aleix non puido adestrar ó 100% por estar parte da mesma parado por lesión.
Brais Díaz Salas dobre medalla de ouro e medalla de prata no Campionato Provincial de aire libre.
Este domingo Brais participaba en Lugo no Campionato provincial e seguindo co guión desta tempada, o ribadense competía nos lanzamentos de martelo, peso e xavalina, cuns resultados excelentes, 2 medallas de ouro e 1 de prata.
A primeira proba era o lanzamento de martelo 2 kg., onde acadaría a 2ª posición cuns lanzamentos de 15.84-23.53-22.30-23.27-8.82-23.97 m. respectivamente.
Un par de horas máis tarde competía en lanzamento de peso 3 kg., sendo o atleta que máis lonxe lanzaba a bola e proclamandose medalla de ouro cun mellor lanzamento de 10.86 m., o que supoñía unha mellora de 71 cm. con relación ó seu mellor rexistro. (10.08-10.86-10.19-9.89-9.62-X)
Pola tarde remataría a xornada con outra medalla de ouro en lanzamento de xavalina 500 gr. Nesta disciplina Brais partía coa 2ª mellor marca dos participantes, pero nunha tarde moi inspirada conseguiría superarse por tres veces, o que o levaba a ser o gañador da proba cun mellor lanzamento de 32.76 m. (28.75-32.76-27.57-X-32.13-31.18)
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
