Lugo, 29 de abril de 2019.- O Secretario Xeral do PSOE na Provincia de Lugo, Álvaro Santos Ramos, destacou este luns que “os socialistas recuperamos espazo político na provincia e isto provocará que as nosas compañeiras e compañeiros no Congreso e no Senado poñan en riba da mesa as demandas dos lucenses e, deste xeito, se impulse, por fin, unha perspectiva de futuro despois de 7 anos de bloqueo da dereita”. Fixo esta valoración dos resultados das Eleccións Xerais acompañado da Alcaldesa de Lugo e Presidenta do Partido, Lara Méndez, e dos que serán os representantes do PSOE no Congreso e no Senado, Ana Prieto, Sonsoles López, e César Mogo.
Santos Ramos subliñou que “os veciños mobilizáronse para dar o seu empuxe a un modelo progresista e de avance, pois a participación superou o 72%, sendo máis de 200.000 lucenses os que votaron nestas Elección Xerais. Conseguimos o mellor resultado da última década, sendo a forza máis votada en 25 Concellos, entre eles nos que se concentra maior número de poboación, e acadamos o mellor resultado da última década, quedando practicamente nun empate técnico coa forza máis votada, pois a diferenza foi só do 0,37%. Este resultado nos dá alento, forza, entusiasmo e ilusión para seguir traballando como o fixemos durante estes meses, desenvolvendo un proxecto político honesto cos cidadáns, de traballo a cotío e tendo como prioridade Lugo e a súa provincia”.
Campaña humilde, proprositiva e con presenza en todo o territorio
“Os socialistas a nivel provincial fixemos un traballo de planificación e fixación de obxectivos moi importante e iso vese reflectido nestes resultados fantásticos para o partido. Foi unha campaña deseñada con humidade, con presenza en todo o territorio, para explicar sinxelamente aos veciños todo aquilo que en 10 meses fixo un Goberno que tiña como prioridade as persoas. E o fixemos a través dunha campaña propositiva, en positivo e non confrontadora nin violenta, evitando as descualificacións e o desprezo”, sinalou o Secretario Provincial.
Implicación en levar o proxecto socialista a toda a provincia
“Quero poñer en valor o traballo dos centos de compañeiros e compañeiras que se implicaron en desenvolver o proxecto socialista e levalo a cada casa e a cada recuncho da provincia, a todos os candidatos do Congreso e o Senado que participaron intensamente na campaña, así como aos interventores e apoderados que se esforzan para que se cumpran as regras de xogo da democracia”.
“O PSOE, referente da sociedade”
Santos Ramos asegurou que “o ámbito político do PSOE é indiscutiblemente a esquerda, no que as persoas son o eixo fundamental de todas as políticas. Por iso, cando desenvolvemos proxectos que atenden as súas realidades e necesidades os socialistas somos o referente da sociedade. Os cidadáns espertaron, tomaron conciencia da importancia que ten participar e como sempre cando o electorado se mobiliza a democracia gaña, e o PSOE gaña”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
