A Pontenova. 30, abril, 2019. O Partido Popular de A Pontenova, que encabeza David Gutiérrez, lamenta que o Concello non solicitase as axudas da Xunta de Galicia ás que pode optar a Festa da Troita como cita de Interese Turístico Galego. Concretamente, dende o ano 2013, a entidade local non tramitou esta axuda autonómica que era de 3.000 euros anuais e que, nesta anualidade (o prazo de solicitude permanece aberto ata o 15 de maio) se incrementa ata os 7.000 euros.
A renuncia voluntaria do alcalde vai en prexuízo da festa, que podería dispoñer de máis recursos para a súa organización e difusión. Tal é así que, por mor do “seu pasotismo e deixación de funcións”, perdeu 15.000 euros nos últimos cinco anos e agora pode perder os 7.000 para a cita desta anualidade
O rexeitamento por parte do rexedor socialista tamén resta visibilidade e apoios a un evento de gran importancia dende o punto de vista turístico, gastronómico e deportivo. Esta cuestión é a que leva ao candidato popular a concluír que “este desleixo municipal amosa falta de traballo do equipo de goberno e falta de compromiso cunha festa que supón un plus para o desenvolvemento socioeconómico de A Pontenova”.
O alcaldable pregunta así “quen son os concelleiros do equipo de goberno para decidir renunciar a un apoio económico que lle corresponde a este evento de xeito directo dende a súa declaración como cita de Interese Turístico Galego, sobre todo, indica, porque calquera apoio, sobre todo económico, como é neste caso, sempre é benvido”.
Gutiérrez remata significando que, de acceder ao Goberno local, traballará por potenciar este cita, como reclamo de atracción turística e como extraordinario incentivo para a economía local.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
