Lourenzá, 18 de abril de 2019. O Bloque Nacionalista Galego en Lourenzá presenta ás vindeiras eleccións municipais unha lista de quince persoas que encabeza Aurea María Vázquez Abal.
Desde a formación nacionalista sinalan que “apostar por unha candidatura encabezada por Mani é garantía de contar co medio rural e natural. Nun concello no que o sector agrario segue a ter tanto peso como é Lourenzá, contar con unha persoa que, polo seu traballo, pero tamén por convencemento, ten un coñecemento directo das necesidades dos sectores produtivos é unha garantía de que a administración local traballe na mesma dirección que as produtoras e produtores e redunde no desenvolvemento local.”
A candidata nacionalista xa formara parte das listas municipais da formación frontista noutras ocasións, “aínda que non nun posto tan alto”; pero decidiu dar un paso á fronte ao xurdirlle a oportunidade e considerar que en Lourenzá hai moitas cousas por facer que poden repecutir en mellorar a vida das veciñas e veciños.
Unha veterinaria, coñecedora e defensora do medio rural e natural.
Aurea María Vázquez Abal naceu en Pontevedra hai 50 anos, aínda que a súa vinculación con Lourenzá e coa zona desde hai máis de quince anos a raíz da súa actividade profesional como veterinaria, fai que considere “esta terra como se xa fora a miña”.
Actualmente ocupa un posto na Consellería de Medio Rural como veterinaria laboral indefinida na Oficina Comarcal Veterinaria de Mondoñedo. Con experiencia en clínica rural, Aurea defínese a si mesma como “unha muller activa, colaboradora cos demais para intentar botar unha man sempre que poido” e amósase ademais “encantada de facelo porque entendo que neste mundo estamos uns para axudar ós outros.” Admite tamén que “como veterinaria que son, pérdenme os animais; pero tamén a natureza polo que estou bastante concienciada co medio ambiente e intento conservalo en todo o que me é posible.”
Desde a formación nacionalista en Lourenzá amosan a súa satisfacción por lograr “unha candidatura de persoas comprometidas co concello e que traballarán en mellorar a vidas das veciñas e veciños, como sempre fixeron as persoas que dun xeito ou outro representaron ao BNG noutras ocasións.”
O BNG aposta en Lourenzá por Aurea María Vázquez Abal, Mani, para encabezar a candidatura das municipais
Relacionado
-
O Grupo Popular pedirá no Pleno ao Goberno central que convoque de inmediato a mesa de seguimento sobre a viabilidade de Alcoa e a transferencia dos servizos de meteoroloxía
-
O goberno local de Viveiro busca o apoio de Augas de Galicia para reparar os servizos de auga e saneamento
-
O Senado encarga ao Goberno, a iniciativa do PP, un plan de rexeneración da praia de Fomento no Vicedo
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celébranse ata o mércores no CFEA Pedro Murias. O programa inclúe tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
