A Mariña 15-4-19. O vindeiro 17 de Abril Mércores, no Cenima de Foz, ás 20,30 horas, terá lugar a inauguración da sexta edición da Semana das Artes dedicada ó artista ribadense Suso Peña. Por esta mostra pasarán máis de 1.500 alumnos/as dos centros de ensino da Mariña. A exposición estará aberta ata o 17 de Maio e poderá ser visitada en horario de mañá ata as 12,30. Festivos e fin de semana os sábados de 18 a 20, agás o 1 de Maio. Así mesmo os xoves 9 e 16 de Maio, no mesmo horario se realizarán visitas guiadas. Zili Katova, Pablo Sáez, Otto Treto, Pablo Livio, Renata Otero Regal, Otero Regal, Mauro Leivas, Xoán Guerreiro, Lomarti, Grupo Lag (Lara Buyo e Ana Corujo), David Catá, Verónica Vicente, Ana López Parra, Araceli Larrán, Cristina Basanta, Lucía Vila, Daniel Caxigueiro, Juanel, Alberto Pena, Christian Villamide, José González, e Neira Brochs mostran 23 obras que entran en Diálogo de reflexión sobre distintos temas. Adolescencia, medio ambiente, mitoloxía, o paso do tempo, as lembranzas do espazo íntimo, dentro do gran nivel profesional, serán as visións que as/os alumnos/as da Mariña, terán a oportunidade de desfrutar e aprender , así coma todos e todas as persoas da comarca que queiran achegarse ó CENIMA de Foz. Un ano máis temos que reivindicar este espazo único da comarca ( e xa van moitos) como o espazo común de creación artística da Mariña. Programación dotación de persoal e espazo, así como unha política de achegamento da Arte á nosa comarca dada as particularidades de distancia do noso espazo xeográfico, cós centros de cultura galega. Non se pode sustentar no traballo voluntario e desinteresado dos axentes culturais( Artistas, Asociacións) unha labor que está recollida como dereito na Constitución e para a que todos e todas os/as mariñáns aportamos os descontos fiscais pertinentes. A educación na Mariña ten o dereito de poder acceder ó nivel razoable de coñecemento artístico que permitan os orzamentos públicos. A falta de Arte e do seu coñecemento lévanos a unha restrición grave de posibilidades e non solo é unha verba de coñecemento e emocións, é un mundo de oportunidades que transcende máis aló do previsible, xa que estende as expectativas laborais por riba das carencias do propio sistema.
Dende Tá en artes convidamos aos aproximadamente 83.000 habitantes da Mariña á participación para que isto sexa unha realidade e posibilite saídas de futuro e consolidación do noso único patrimonio natural.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
