Burela. 6, abril, 2019. O presidente do PPdeG, Alberto Núñez Feijóo, dixo que unha maioría ampla no Partido Popular é o que precisa Galicia e o que é bo para España e que, deste xeito, haberá máis xestión, máis oportunidades, máis emprego e menos impostos. Por iso, indicou que ningún voto que prefira outro goberno pode quedar sen escano e apelou á unión nas urnas para acadar así unha maioría ampla de escanos no Congreso e no Senado.
Segundo apuntou o líder do PPdeG, para que o 28 de abril sexa unha oportunidade para Galicia e non un problema, o voto “ten que ser máis útil que nunca” e para que desta forma goberne un partido e un presidente ao que lle importen Galicia e España.
O PARTIDO POPULAR, UN VALOR SEGURO
Tal e como remarcou Feijóo durante un mitin en Burela, é na unión das forzas como se acada un goberno como o galego, que goberna e co que Galicia crece, crea emprego, incrementa as súas políticas sociais, cumpre os compromisos e aproba, ano a ano, os orzamentos. Así, salientou que o PP é un valor seguro para a estabilidade e para a gobernabilidade; para a economía, o crecemento e o emprego; e para a responsabilidade. E advertiu dos riscos de entregar España, a través das mans de Pedro Sánchez, a nacionalistas e independentistas. Por iso, fixo fincapé en que o que é bo para Galicia é bo para España: “O que non queremos para Galicia non podemos querelo para España, porque nos importa”.
Neste punto, recordou que no 2016 os galegos uníronse nas urnas no que crían que eran o mellor para Galicia e impediron así que a nosa comunidade fose xestionada coa frivolidade de Pedro Sánchez ou que as Mareas de Podemos elaboraran uns orzamentos desastrosos ou que os nacionalistas e independentistas esixiran desde a Xunta referendos. “Esta frivolidade pode poñer en risco a continuidade de Alcoa en San Cibrao”, sostivo o líder do PPdeG, que incidiu, especialmente, na irresponsable política industrial do Executivo central.
PEDRO SÁNCHEZ PREFIRE A CIUDADANOS E A VOX
“Cantos máis votos a partidos que non sexan o PP, máis posibilidades de que Pedro Sánchez continúe; cantos máis votos ao PP, máis posibilidades de que haxa outro Goberno”, asegurou o líder do PPdeG, que recalcou, ademais. que Pedro Sánchez prefire a Ciudadanos e a Vox, porque son a división do voto que el necesita para que lle saian as contas.
Para Feijóo, o vindeiro 28 de abril só hai dúas posibilidades reais para presidir o Goberno: ou Pedro Sánchez ou Pablo Casado. Así, quen prefira a Pablo Casado só hai unha vía: o Partido Popular.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
