O pasado sábado 27 a Banda de Música de Foz e o Grupo de Teatro Adala de Fazouro uníronse nun concerto moi especial no que se rendeu tributo ao mundo do circo na sala Bahía. Senllas agrupacións sumaron o seu bo facer nun espectáculo dirixido ao publico familiar no que se interpretaron ”A day at the circus” de James Curnow e unha selección dos temas máis coñecidos dos pallasos da tele. Os responsables dos colectivos destacaron o bo ambiente da actuación e o resultado conxunto, e xa están pensando en novas colaboracións.
