Alfoz 15-4-19. O Centro de Saúde de Alfoz está dotado de dúas prazas de medicina de familia, unha de enfermaría e outra de PSX (Persoal de Servizos Xerais), para atender a 1.566 cartillas, explican dende CIG Saúde A Mariña, que se desprazou hoxe até Alfoz para coñecer de primeira man a situación do centro médico.
FALTA DE COBERTURA DE PERSOAL.
A central nacionalista denuncia a falta de cobertura da baixa por enfermidade dende primeiros de abril dunha das dúas médicas do Centro de Saúde de Alfoz, na que un solo médico está atendendo a todos os usuarios, ademais das urxencias e das visitas domiciliarias. “Só este luns e antes de media mañá, o único médico tivo que saír a tres visitas domiciliarias, quedando o Centro de Saúde sen atención médica”, sinalan.
DETERIORO DA CALIDADE ASISTENCIAL.
Unha destas decisións, a de non substituír ao persoal cando está enfermo, de vacacións ou por outros motivos, o que está a ter como consecuencia é unha sobrecarga de traballo que repercute nunha grave perda da calidade asistencial e un aumento do desemprego na comarca, nun concello con alta dispersión xeográfica e envellecemento poboacional. “Alfoz é o cuarto Concello da provincia de Lugo con máis envellecemento da poboación», lembran.
FRACASO DO MODELO ACTUAL.
“Ten que haber un cambio de modelo, as EOXIs fracasaron e hai que volver ás xerencias de Atención Primaria con recursos e con capacidade de decisión porque o resto van ser parches”, manifestan dende o sindicato nacionalista.
RECORTES ORZAMENTARIAS.
“A deterioración brutal da sanidade pública está a converterse nun perigo para a saúde”, sostén a CIG, quen criticou que o goberno de Núñez Feijóo recortou “2.000 millóns de euros á atención sanitaria de primaria” e que a Atención Primaria a día de hoxe ten un orzamento con “188 millóns de euros menos que hai dez anos”.
DIGNIFICAR A ATENCIÓN PRIMARIA.
Dende CIG-Saúde A Mariña esixen a cobertura de todas as ausencias dende o primeiro día e consideran que “é básico rescatar a sanidade pública galega e dignificar a Atención Primaria para garantir un servizo básico de calidade e proximidade fronte os gobernos do PP que pretenden convertela nun privilexio”, conclúen.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
