Lugo, 2 de marzo de 2019. Viveiro acollerá a única residencia na Comarca para persoas con discapacidade intelectual, que hoxe teñen irse á Coruña e Pontevedra. ASPANANE (Asociación de Pais e Persoas con Discapacidade Intelectual) contará con estas demandadas instalacións grazas ao seu esforzo e á implicación directa do Concello. A Alcaldesa, María Loureiro, apoiou dende o primeiro momento ás peticións deste colectivo, co que a entidade local mantén unha estreita colaboración. Loureiro implicou a representante da Corporación Municipal, acadou dende o primeiro momento á axuda da Deputación, a do Goberno Central a través da Subdelegación en Lugo e, finalmente, tamén a da Xunta de Galicia.
ASPANANE poderá rehabilitar o edificio no que na actualidade se sitúa a Escola Oficial de Idiomas (en Lavandeiras, Celeiro). Deste xeito, este colectivo concentra no mesmo espazo todos os seus servizos, pois alí, en edificios cedidos polo Concello, xa se atopan o seu centro de día e centro ocupacional.
A Escola Oficial de Idiomas, que conta con máis de 240 alumnos da Comarca, manterase en Viveiro. Pois a Alcaldesa, coa colaboración da Subdelegada do Goberno en Lugo, Isabel Rodríguez, conseguiu que a Dirección Xeral de Tesourería do Estado ceda ao Concello a antiga Escola de Celeiro, actualmente en desuso.
Para posta en valor e rehabilitación deste inmoble, a Rexedora acadou un convenio a tres bandas: Concello de Viveiro, Deputación de Lugo e Xunta de Galicia. As tres administracións financiarán a partes iguais estas obras dun total de 500.000 euros.
A Alcaldesa informou este sábado de todas as xestións realizadas e as actuacións que se levarán a cabo nun encontro no que participou o Presidente da Deputación, Darío Campos Conde, e o Delegado da Xunta en Lugo, José Manuel Balseiro.
“Un día de noraboa e exemplar”
Campos Conde destacou que “hoxe é un día de noraboa para todos os veciños de Viveiro e da contorna por varios motivos: porque se vai a facer realidade a tan esperada residencia de ASPANANE, porque se vai a manter a Escola Oficial de Idiomas neste municipio e porque se vai a rehabilitar a antiga Escola de Celeiro, poñendo en valor este inmoble e contribuíndo á mellora e dinamización desta zona viveirense”.
O Presidente da Deputación engadiu que “hoxe tamén é un día exemplar. En primeiro lugar e principalmente, polo esforzo de ASPANANE que nunca deixou de pelexar por esta residencia e, en segundo termo, por toda a implicación que conseguiu a Alcalde para que este proxecto fose unha realidade: a dos seus compañeiros na Corporación Municipal, a da Deputación de Lugo, a da Xunta e ao do Estado. Isto si é facer política”.
ASPANANE
ASPANANE, que conta con 224 socios, é un referente na Mariña na atención de persoas con discapacidade intelectual. Concello de Viveiro e Deputación de Lugo manteñen unha estreita colaboración coa mesma. Por exemplo, o Goberno Provincial financiou recentemente a mellora e ampliación das instalacións do seu centro ocupacional. Esta asociación conta con 20 profesionais que prestan atención a 55 usuarios: 18 no Centro de Día e 37 no Centro Ocupacional, que poden chegar ao 50 coas 15 novas prazas que supuxo a citada colaboración da Deputación. ASPANANE presta ademais servizo de atención e asesoramento a todas as familias que o necesiten, actividades deportivas, culturais, lúdicas, obradoiros de carpintería, serigrafía…
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
