Cristina terá que pasar polo quirófano

Burela 14-3-19. As sensacións de Cristina non eran nada boas tras a lesión do sábado ante Jimbee Roldán e as probas confirmárono; a internacional do Pescados Rubén Burela FS terá que pasar polo quirófano. A resonancia magnética realizada o martes indica que a pivote laranxa sofre rotura de ligamento cruzado anterior e rotura parcial de ligamento colateral medial.
Os servizos médicos do club burelista valorarán esta semana xunto á xogadora a data de intervención e os seus posteriores prazos de recuperación, cun mínimo de 6-8 meses.