Alumnado do colexio Sagrado Corazón, de Ribadeo, viaxou a Madrid para asistir ao musical Billy Elliot e visitar varios lugares de interés

Ribadeo, 5 de marzo de 2019. Alumnado de 3º da ESO do colexio ribadense Sagrado Corazón de Jesús viaxou a Madrid para asistir ó musical Billy Elliot no Teatro Nuevo Alcalá. Despois da función tiveron a oportunidade de falar co actor protagonista, Miguel Millán, e fotografáronse con el.
Ademais de asistir ó musical os alumnos e alumnas do colexio Sagrado Corazón visitaron outros lugares de interese de Madrid, como o museo Arqueolóxico e o Reina Sofía. Tamén realizaron unha visita guiada pola cidade, á catedral de La Almudena, ao parque de El Retiro e gozaron dun concerto de bandas sonoras da Orquesta Nacional de España.