Burela, 3 de marzo de 2019.- A Xunta de Galicia investiu 16 millóns de euros no último ano na mellora dos servizos públicos e impulso de novas obras en Burela, un esforzo económico co que o Goberno galego multiplica por dous o orzamento municipal (que foi de sete millóns de euros).
Así o explicou o delegado territorial da Xunta en Lugo, José Manuel Balseiro quen, a modo de balance, indicou que as partidas máis relevantes estiveron destinadas á primeira fase xa rematada da ampliación do Hospital da Costa, que implicou 10 millóns de euros de investimento. Neste momento está en marcha a segunda fase, correspondente á remodelación integral do edificio máis antigo.
A Xunta tamén destinou a Burela 313.000 euros a través do Fondo de Cooperación Local unha achega que o Concello pode empregar libremente para financiar aquelas obras e servizos que estime máis acaídos.
Outra das partidas máis relevantes ten que ver co sostemento dos servizos sociais municipais xa que logo a Xunta achegou no conxunto do ano 271.000 euros para financiar o persoal de atención de axuda no fogar para persoas dependentes, preto de 81.000 euros ao funcionamento do Centro de Información á Muller e 51.000 euros a distintos programas de inclusión social e apoio á poboación emigrante.
Outro dos ámbitos no que maior esforzo inversor concentraron é o do emprego, xa que logo a Xunta apoio a posta en marcha, unha anualidade máis, dun obradoiro de emprego compartido cos concellos de Xove e Burela (288.000 euros en conxunto), financiou seis cursos para desempregados (con 242.000 euros de investimento) e distintas achegas para apoiar a contratación de diverso persoal (socorristas: 22.000 euros, 10 operarios perceptores da Risga: 84.000 euros, orientador laboral: 25.000 euros … etc)
A Xunta tamén investiu 85.500 euros en distintas obras de mellora nos centros educativos da localidade, preto de 12.000 euros á apoiar a programación da rede de teatros e auditorios e 7.300 á mellora do equipamento de son das infraestruturas culturais do municipio.
O Goberno galego tamén apoio proxectos no ámbito do turismo como a creación da ruta circular (6.200 euros) ou a promoción da Festa do Bonito (3.000 euros) declarada de interese turístico galego.
Outras achegas foron dirixidas á mellora das infraestruturas: destináronse máis de 40.000 euros a obras de asfaltado de camiños e estradas rurais (acceso as praias, camiño en Vila do Medio, pistas forestais, …). Tamén hai achegas para a mellora das infraestruturas pesqueiras e portuarias con máis de 100.000 euros destinados a reparacións varias, mellora dos servizos aos usuarios nas cámaras frigoríficas ou con 11.200 euros apoiouse á fundación Expomar.
A Xunta investiu tamén no ámbito deportivo co patrocinio ao CD Burela Futbol Sala (66.000 euros) nas súas categorías feminina e masculina, dotou ao municipio dun desfibrilador e achegou preto de 2.000 euros o funcionamento da asociación de voluntarios de protección civil.
No acto ligado a esta formación, que rematou hoxe e deu comezo o pasado 11 de novembro, estiveron o presidente da Apehl, Cheché Real; o director do Instituto Galego do Viño (Ingavi), centro responsable da formación, Xoán Cannas, e a alcaldesa de Vilalba, Marta Rouco.
Na iniciativa participaron arredor de 500 rapaces e rapazas de secundaria de oito institutos da Mariña. Arias destacou a posibilidade que supuxo para o alumnado poder achegarse a esta modalidade deportiva e agradeceu “a colaboración continuada que prestan neste tipo de actividades”.
Celebráronse no CFEA Pedro Murias. O programa incluiu tamén showcookings, presentacións e interesantes charlas como a ofrecida este martes sobre a posible produción de viño na Mariña.
Unha obra contemporánea orientada a público adulto. Venda de entradas: de luns a xoves, no teléfono 982560162, en horario, de 9 a 14,00 horas, ou no correo electrónico rbg.cultura@viveiro.es, e tamén na taquilla do teatro 1 hora antes da función.
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
