Foz, a 24 de febreiro de 2019. O pasado día mércores 20 de febreiro reuniuse a Coordinadora Xeral de “Foz, Plataforma de Futuro” onde se aprobou por unanimidade que a nosa formación política volva concorrer ás próximas eleccións municipais do próximo 26 de maio, dando cumprimento así a unha das nosas promesas electorais da campaña pasada, na que dixemos que o noso proxecto viñera para quedarse, un proxecto independente e municipalista centrado en Foz. Non se trataba nin dun experimento nin do apéndice de ningún partido, senón que íamos a formar un proxecto político de futuro para cambiar o xeito de facer política do noso Concello, centrado na xente e afastado das prácticas do “tripartidismo” que viñera funcionando nos últimos anos.
Os veciños e veciñas de Foz cada vez víanse menos representados nos vellos partidos políticos que dominaron o espectro político do noso concello, un “turnismo bipartidista” do PP e do PSOE cos apoios dun BNG cataventos e centrado en moitos temas de fóra, que non daban resposta ás demandas das xentes de Foz. Un “turnismo” que estaba a ser un lastre para o noso pobo, posto que moitas iniciativas quedaban no tinteiro pola oposición dun ou doutro segundo estivera no goberno ou na oposición. Ben pouco lles interesaba o seu pobo, só sacar tallada electoral. Nace así no último terzo do 2014 FPF, a ilusión dunhas mulleres e duns homes por deixar atrás estas políticas caducas e crear unha nova forma de facer política, participativa, democrática, mirando polo ben común, asemblearia, moderna e centrada en Foz. Propúxose a creación dunha nova formación política, unha plataforma veciñal, como outras moitas que estaban a espallarse por todo o país. Unha formación de esquerdas centrada, dialogante na búsqueda de consensos e con afán de gobernar e darlle un cambio a Foz, que ben o merecía. Asumindo este legado e agradecendo a todas aquelas persoas que o fixeron posible, encamiñámonos cara unha nova etapa, con espírito renovado, gañas e forza.
FPF e sobre todo o noso grupo municipal, encabezado por Luís Alfonso Sixto Legaspi, xunto a Juan Riveiro e María Peña, traballou arreo estes catro anos de lexislatura, para dentro das nosas posibilidades como grupo na oposición levar a voz de moitos veciños e veciñas de Foz ós plenos, facendo política en positivo, tratando de dar solucións ós problemas, levando a iniciativa, apoiando todo aquelo que nos parecía positivo independentemente das siglas de onde viñera. Tratamos de levar sempre mocións que nos propoñían os veciños e veciñas, dos colectivos sociais, das asociacións de veciños, deportivas ou culturais, dos seguidores e seguidoras que viñeron ás Asembleas, das que nos chegaban a través do correo ou das redes sociais.
Decidimos polo tanto someternos ó escrutinio do electorado o 26 de maio, e serán eles e elas os que valoren o traballo feito estes catro anos e o programa que presentemos para a seguinte lexislatura que comezará en xuño deste ano. Polo tanto, segundo os nosos estatutos, abrimos un proceso de primarias abertas á militancia, para que se poidan presentar todos aqueles candidatos ou candidatas que queiran defender este proxecto e presentar novas iniciativas encamiñadas a mellorar a vida de todos e todas. Dende esta Coordinadora Xeral nos manteremos neutrais a faremos todo o posible para que este proceso frutifique e saiamos reforzados e unidos en torno ó candidato ou candidata que gañe para representar a esta formación política, e o que é máis importante, á s aspiracións das xentes de Foz.
Poderanse presentar candidaturas ata a celebración da Asemblea Extraordinaria que terá lugar no noso local social o día 9 de marzo ás 19.00 h. en primeira convocatoria e ás 19.30 h. en segunda convocatoria, onde candidatos ou candidatas expoñerán os seus proxectos. Poderán participar todos aqueles seguidores/as ó corrente de pago das súas cotas.
A ORDE DO DÍA será a seguinte:
Constitución da Asemblea.
Elección da mesa.
Presentación de candidaturas.
Elección de candidato ou candidata para as eleccións municipais.
Dende aquí queremos facer unha invitación a participación tanto nas candidaturas como na Asemblea.
Coordinadora Xeral de FPF
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
