Lourenzá, 16 de xaneiro de 2019. Pais e nais do concello de Lourenzá trasladaron á alcaldesa, Rocío López, e ao primeiro tenente de alcalde, Manuel Arango, queixas polas deficiencias no servizo de pediatría que se presta no centro de saúde. Para este venres, día 18, convocaron outra reunión, na que está previsto asinar un escrito que tratarán no pleno do Concello e despois enviarán ao Sergas e á Xunta de Galicia.
A rexedora municipal explica que mantiveron unha reunión “con pais e nais do concello de Lourenzá preocupados pola situación na que se atopa o servizo de pediatría, que é compartido cos concellos de Barreiros e Mondoñedo e que nos últimos anos ven arrastrando unha serie de deficiencias. O obxectivo desta reunión foi recoller todas esas reclamacións polas problemáticas que presenta o servizo e agora quedamos en elaborar un texto conxunto para dirixirnos ao Sergas e a Xunta e pedirlles que solucionen dunha vez por todas esta situación na que se atopa o servizo de pediatría no noso concello e que o reforce para adaptalo ás necesidades dos nenos e nenas deste municipio. Hoxe é totalmente insuficiente e a profesional que temos neste momento vese moitos días desbordada pola gran cantidade de nenos que ten que atender; e se a iso lle sumamos que cando ela está ausente, ben por baixa de enfermidade ou por vacacións, non mandan ningún substituto o problema agrávase moito máis”.
Rocío López engade: “esiximos por tanto o reforzo desta prestación, ter canto menos un pediatra continuamente en Lourenzá os días que nos corresponden, para evitar que se dean situacións como as que ocorren actualmente, porque en días nos que cando a pediatra non está no centro de saúde os nenos reciben atención por parte dun médico de familia, que evidentemente non ten a formación específica necesaria en pediatría, ou noutras ocasións os pais teñen que viaxar ao hospital de Burela, onde hai un pediatra de garda, para que os poidan atender ou incluso ir a unha consulta privada e ter que pagar, pero moitos pais non poden facer fronte a ese custo. Ademais esta situación estase a agravar posto que nos últimos días moitos nenos non están a ser atendidos para vacinarse das enfermidades do calendario obrigatorio porque a pediatra estivo ausente; isto pon perigo a saúde do menor xa que o enfermeiro que hai nos distintos centros de saúde de Lourenzá, de Barreiros ou de Mondoñedo segundo os protocolos non pode vacinar a eses nenos sen que antes os vexa a pediatra, con cal a situación agrávase moito máis”.
A alcaldesa de Lourenzá anunciou que “despois de recoller todas estas problemáticas e de poñer enriba da mesa todas as deficiencias que ten este servizo de pediatría, quedamos cos pais en elaborar un texto que recolla todas estas necesidades que temos e fixamos unha reunión para este venres, día 18, ás 20:30 horas no salón de actos do Concello. É unha xuntanza aberta a toda a cidadanía, a todos os veciños e veciñas que queiran vir. A esa reunión vaise levar un borrador dese texto que se vai dirixir ao Sergas e á Xunta de Galicia, que vai ir acompañado dunha serie de firmas de todos os pais e nais e do resto de veciños de Lourenzá que queiran apoiarnos neste tema. A idea é que despois ese escrito sexa presentado no pleno do Concello de Lourenzá e esperamos contar co apoio dos tres grupos políticos que estamos agora na corporación municipal. E unha vez que ese texto se aprobe dirixirémolo á Xunta de Galicia. Tamén me vou poñer en contacto cos alcaldes de Barreiros e Mondoñedo, porque imaxino que eles tamén estarán recibindo as mesmas protestas e os seus veciños estarán poñéndolles en coñecemento estes problemas que estamos tendo, porque creo que isto afecta a todos e que polo tanto todos xuntos debemos ir da man e reclamar cando menos recibir a atención sanitaria pública á que temos dereito e que nos últimos anos se está vendo afectada. Quedamos en poñer tamén uns bandos para convocar á xente a esta reunión que imos ter este venres, día 18, ás 20:30 horas no salón de actos do Concello de Lourenzá”.
Para rematar, a rexedora municipal agradeceu “a todas as nais e pais que estiveron nesta reunión” e espera que “esta reclamación conxunta dos veciños dea o seus froitos e que consigamos ter o servizo de pediatría que realmente merecemos e ao que temos dereito”.
Pais e nais de Lourenzá trasladaraon ao goberno municipal queixas polas deficiencias no servizo de pediatría. Este venres haberá outra reunión para asinar un escrito que tratarán no pleno do Concello e enviarán ao Sergas e á Xunta
Relacionado
-
O PP pedirá o apoio na Deputación para esixir ao Goberno central a convocatoria da mesa de Alcoa e medidas de apoio para garantir a viabilidade da planta da Mariña
-
O alcalde de Foz e a concelleira de Asuntos Sociais falaron da residencia de maiores co xerente do Consorcio Galego de Igualdade e Benestar
-
Arrincou en Ribadeo o ciclo de charlas da FCAM sobre o futuro laboral na Mariña
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
