Ribadeo, 30 de decembro de 2019. ACISA Ribadeo fai un balance positivo do ano 2019, no que organizou mais de 30 actividades, colaborou en mais de 10 eventos doutras entidades, inxectou na economía asociada arredor de 16.000 euros en vales de compra e investiu mais de 15.000 euros en diferentes materiais para os seus asociados e asociadas.
Segundo explica o xerente de ACISA, Jesús Pérez, “neste ano organizamos mais de 30 actividades de dinamización comercial e hostaleira, tres delas, As Panchas, O Ribadeo Indiano, e RibaXogo, en colaboración co Concello de Ribadeo; colaboramos con mais de 10 actividades de tipo deportivo, cultural… como o Torneo de Veteranos, coa SD Ribadeo, coa Semana Santa…, actividades que atraen potenciais clientes. Foi o ano no que mais diñeiro inxectamos na economía local da vila con mais de 16.000 euros para que os veciños e veciñas os gastaran en Ribadeo. Ademais mantemos a cifra de asociados en 160, grazas á nosa capacidade de seguir atraendo negocios a asociación”.
O presidente de ACISA Ribadeo, Francisco Iriarte, subliña que “foi un ano moi intenso, temos que destacar as actividades en colaboración co Concello, grazas a elas puidemos dar 10.000 euros aos clientes na campaña das Panchas, encheuse Ribadeo o domingo de Indianos con mais de 12.000 persoas na vila, e este Nadal centos de pícaros desfrutan de RibaXogo. Sen esquecer as actividades propias, fora das habituais campañas coma a exitosa Festa do Comercio, os día do pai e da nai, o de san Valentín, o Domingueo en Ribadeo, as xornadas gastronómicas, o Mercado de Rrúa, ou ACISA Quérete. Neste 2019 tivemos novidades como foi a campaña do Mes do Aforro ou o Mes do Tapeo, e por suposto o material gratuíto para socios”.
Iriarte dixo que “seguimos apostando pola entrega de materiais gratuítos aos nosos socios e socias como un dos grandes beneficios de ser membro de ACISA, deste xeito repartimos materiais para as rebaixas, rueiros, bolsas, vasos de indianos, material decorativo para o Ribadeo Indiano, pegatinas, servilletas, papel de regalo…. pouco a pouco aumentamos os presupostos para que durante todo o ano os socios teñan á súa disposición materiais que lles axudan a aforrar custes nas súas empresas”.
O xerente da Asociación de Comerciantes, Industriais, Servizos e Autónomos indicou que “o 2019 foi un ano de novidades. Comezamos coa maior Festa do Comercio sorteando 5.000 euros en premios. Xunto co Concello fomos presentar o Ribadeo Indiano a Fitur, puxemos en marcha a campaña das Panchas e puidemos levar a dúas persoas a Cuba sorteando unha viaxe tras o concerto de Compay Segundo no Ribadeo Indiano, iniciativa para a que se repartiron 200.000 papeletas. A campaña do Mes do Aforro, que xurdiu coa colaboración de Grupo Valcarce, e na que se repartiron 10.000 tarxetas desconto, tivo unha estupenda acollida. E a do Mes do Tapeo foi un éxito, superando o numero de participantes previsto tendo en conta que era a primeira vez que dende ACISA organizabamos unha actividade así. Outra mostra de todo o traballo que facemos desta a asociación son as mais de 800 novas publicadas nos diferentes medios de comunicación ou as mais de 1,2 millóns de visualizacións do noso facebook”.
Francisco Iriarte engadiu que “neste ano mantivemos o numero de asociados, algo que poucas asociacións poden dicir. Tivemos baixas, é certo, aínda que o que mais nos doe é que moitas foron baixas por peche de establecementos, das 12 baixas do 2019, 7 foron por peches e algunhas das outras por cambio de dono ou recortes nos gastos de “franquiciados”. O numero de altas foron 13. A nivel económico estimamos que o noso traballo ten un impacto na economía local que puido chegar neste doce meses entorno aos 12 millóns de euros. Isto sen dubida é unha clara mostra do necesaria que é a nosa labor”.
Dende ACISA animan a que os Reis Magos merquen en Ribadeo e lembran que neste Nadal se van sortear outros 4.000 euros na IX Festa do Comercio, que se celebrará o próximo 11 de xaneiro ás 20:30 horas na carpa instalada no parque de San Francisco.
Directiva, presidente e xerente insisten en que “Ribadeo segue sendo referente comarcal tanto en Galicia coma en Asturias no comercio, na hostalaría e no turismo. Somos o mellor lugar onde se pode comprar, á vez que podes desfrutar da mellor gastronomía e tendo as mellores vistas. Poucos lugares poden ofrecer tanto coma nos. Dende ACISA seguiremos a traballar nos nosos obxectivos, que son facer crecer a Ribadeo e aos seus negocios, axudando a manter eses mais de 600 postos de traballo que xeran os nosos asociados e asociadas”.
Dende ACISA desexámoslles a todos os veciños e visitantes un feliz e prospero ano 2020.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
