Lugo, 15 de xaneiro de 2019.- A Consellería de Política Social destina 233.200 euros aos concellos de Viveiro e Burela para o desenvolvemento de programas de inclusión social. O delegado territorial da Xunta en Lugo, José Manuel Balseiro, sinalou que con este investimento, a Xunta financia medidas que teñen por obxecto impulsar a igualdade de oportunidades e a inclusión social dos colectivos máis desfavorecidos.
Balseiro explicou que os servizos sociais municipais son a miúdo os que brindan o primeiro primeiro nivel de atención ás persoas usuarias e as dirixen cara ao resto dos recursos dispoñibles; de aí, apuntou, que as Administracións deban colaborar para “propoñer oportunidades de integración social e laboral, especialmente ás persoas que presentan risco de exclusión”.
O delegado destacou o compromiso da Xunta neste obxectivo, que se traduce en accións como esta convocatoria de axudas ás corporacións locais para o investimento en centros de inclusión e emerxencia social e a inclusión social da poboación xitana, inmigrante e outras persoas en risco de exclusión.
No conxunto da provincia, a Consellería destina 571.400 euros a dez concellos, os citados da Mariña xunto con Quiroga, A Pobra de Brollón, Chantada, Monforte de Lemos, Pantón, Guitiriz, Vilalba e Lugo.
No caso concreto de Viveiro, a Xunta financia con 131.700 euros accións de reforzo educativo, itinerarios de inserción, formación dixital ou en competencias clave, preparación da ESO -tamén para adultos-, programas de inclusión básica e sociolaboral con inmigrantes, mediación intercultural, alfabetización nas linguas oficiais de Galicia, formación para o coñecemento dos valores da sociedade de acollida, educación familiar, e asesoramento e atención xurídica, legal, social e administrativa.
Pola súa banda, Burela recibe unha achega de 101.500 euros para o servizo de apoio á inclusión básica, programas de inclusión e transición ao emprego, reforzo educativo, formación dixital, mediación social e intercultural, cursos para obtención da nacionalidade española, alfabetización nas linguas oficiais de Galicia, asesoramento técnico especializado en materia de estranxeiría, e accións de educación e apoio familiar.
Entre as accións subvencionadas por esta liña de apoios da Consellería, figuran os servizos de apoio á inclusión, servizos de mediación, para a poboación xitana e inmigrante, programa de erradicación do chabolismo, asesoramento en materia de estranxeiría e formación para o coñecemento dos valores da sociedade de acollida e linguas para a poboación inmigrante.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
