Burela, a 26 de decembro de 2018.- Manuel Rouco, presidente do PP burelés, asegurou hoxe que “Alfredo Llano, mentres pola tarde agarraba a pancarta e lanzaba consignas poñendo en dúbida a ampliación do hospital, polas mañás afanábase en cobrarlle o Imposto de Construccións, Instalacións e Obras (ICIO) á empresa contratista da primeira fase da ampliación do Hospital da Costa. E, isto, en contra do indicado na ordenanza fiscal do Concello de Burela e en contra de dúas sentencias xudiciais, unha do Tribunal Superior de Xustiza de Galicia de 26 de xullo de 2007 e outra do Tribunal Supremo de cinco de maio de 2009”.
Rouco considera que “estamos ante unha persoa que ten dobre faciana. Llano estivo enganando á cidadanía sobre o asunto do Hospital durante moito tempo cando el sabía perfectamente que a ampliación se ía facer, xa que concedeu a licencia de obra para a primeira fase o 23 de xuño de 2016”.
O presidente da xestoral local do PP burelés considera que “Llano nunca tivo interese real no Hospital: non lle importa a ampliación, xa que o único que busca é confrontar coa Xunta de Galicia. E tampouco lle importa, en contra do que di, a área sanitaria da Mariña; xa que, de importarlle, presentaría algunha iniciativa no Concello e resulta que en tres anos e medio nada presentou ao respecto. En realidade, e por desgracia para Burela, a Llano o único que lle preocupa é ocupar o asento da alcaldía”.
Finalmente, Rouco considera que “o anuncio de Llano de modificar a ordenanza que regula a bonificación do ICIO en actuacións de interese social, cultural, de xeración de emprego, etc., é un anuncio baleiro e que, en caso de concretarse, terá un longo percorrido, como pasa con todo no Concello desde que este señor goberna. Se miramos a acta da sesión plenaria de 5 de xullo de 2016, dispoñible no Portal de Transparencia do Concello de Burela, xa podemos ler que anuncia unha revisión da mesma que dous anos e medio máis tarde non se fixo. O PP oporase, xa que entendemos que mesmo debería ampliarse para favorecer a instalación de empresas en Burela”.
Manuel Rouco: “Llano estivo enganando á xente en relación coas obras de ampliación do Hospital”
Relacionado
-
Villares destaca a regulación das coñecidas “demasías” na modificación da Lei de Confrarías de pescadores de Galicia polos seus efectos positivos na financiación dos pósitos
-
A Deputación condena na Praza de San Marcos a violencia machista nun 25N negro
-
O PP pedirá no pleno da Deputación o apoio de PSOE e BNG para o desenvolvemento da provincia no ámbito industrial e das comunicacións
Estivo enmarcado dentro dos actos do 25N. Tamén foi unha xornada na que crearon e tiraron de imaxinación co violeta como protagonista, cor símbolo da loita contra a violencia de xénero.
O presunto autor arrincou supostamente o toldo exterior dun establecemento comercial situado neste termo municipal na madrugada do 31 de agosto. A persoa investigada e as dilixencias policiais foron remitidas á Autoridade Xudicial.
Previamente traballou no Hospital de Burela. Beatriz, ainda que orixinaria da Coruña asentouse na Mariña cando veu a traballar a Burela, onde formou a sua familia e onde finalmente se xubilou. A cea foi no Hotel restaurante Nordés, á que asistiron 60 persoas. Recibiu agasallos nos que participaron máis de 100 persoas que coincidiron con ela na Residencia de Maiores de Burela. Deixa unha enorme pegada pola sua labor profesional e humana.
A A.C. Francisco Lanza organiza este venres, 29 de novembro ás 20.30h, na Casa do Viejo Pancho, unha charla coloquio sobre a situación dos medios de comunicación e as relacións destes co poder. Estará impartida por Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL.
Na súa representación estivo o seu Presidente, José Veiga, apoiado pola Alcaldesa, María Loureiro, compañeiros da Xunta de Confrarías e Monseñor Fernando García Cadiñanos, Bispo de Mondoñedo-Ferrol que á súa vez contaba coa compañía do Párroco D. Xosé Ramón Escourido Basanta.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
