Ribadeo 17 de decembro, 2018. Daniel Vega será o candidato do PP á alcaldía de Ribadeo nas vindeiras eleccións municipais do 2019. Natural da parroquia ribadense de Arante, leva vencellado ao Partido Popular dende o ano 2003 e, actualmente, é deputado no Parlamento de Galicia. O candidato popular foi presentado hoxe nunha rolda de prensa na que participou o secretario xeral do PPdeG, Miguel Tellado, acompañado da presidenta provincial, Elena Candia, do propio Daniel Vega, do presidente local do PP, Jesús Penabad; e do ex alcalde popular do municipio, José Carlos Rodríguez Andina.
Vega avanzou o seu “compromiso total e absoluto coa defensa de Ribadeo, dos ribadenses e dos sectores estratéxicos do municipio de igual forma que demostrei ata o de agora”. Nese sentido, considera que “como deputado autonómico defendín proxectos e medidas en beneficio de toda a comarca da Mariña e, a partir de agora, defenderei do mesmo xeito aqueles relacionados co noso municipio”. Así, Vega recorda a súa colaboración co tecido asociativo e os labores de apoio ao comercio ribadense ou á venda de produtos locais de calidade na praza de abastos como son a carne, o peixe ou os produtos da horta. Pero tamén destacou a súa defensa e a dos propios veciños por mellorar a estrada de Reme a Vilamar que foi posible grazas ao esforzo da Xunta.
O candidato popular cre que “Ribadeo precisa un impulso económico a través da dinamización da industria e do comercio que sexa capaz de xerar postos de traballo. Isto contribuiría ao asentamento da poboación na nosa vila”. Pero non quere esquecer o rural do municipio “ata agora abandonado sen saneamento nin un servizo de recollida de lixo e limpeza axeitados, por poñer algúns exemplos”, precisou. O popular aposta tamén pola dinamización do Porto comercial e do deportivo e pola execución das infraestruturas previstas.
Vega traballará a prol da “coordinación de políticas coa Administración autonómica que teñan como obxectivo o asentamento da poboación” porque cre que “a colaboración institucional é fundamental para lograr sacar adiante proxectos e mesmo para ofrecer servizos de forma satisfactoria para os veciños e veciñas”.
Defensa dos intereses de Ribadeo e os ribadenses
O presidente do PP local e voceiro do Grupo Municipal Popular, Jesús Penabad, desexoulle moita sorte ao novo candidato e destacou as súas ganas, ilusión e compromiso que lle permitirán facerlle fronte con éxito “ao difícil reto que supón alcanzar a alcaldía nun Concello coma Ribadeo onde o Goberno local ten unha maioría absoluta”, recordou.
Jesús Penabad, que xa fora concelleiro no último Goberno Popular en Ribadeo con José Carlos Rodríguez Andina como alcalde, foi o candidato do PP nas pasadas eleccións municipais do 2015. Dende entón actúa como voceiro do Grupo Municipal Popular “defendendo os intereses de Ribadeo e dos ribadenses coas ferramentas ao alcance dos catro concelleiros do noso Grupo fronte aos 10 do equipo de Goberno”, manifestou.
Currículo
O candidato do PP á alcaldía de Ribadeo, Daniel Vega, está vencellado ao Partido dende o 2003. Xa no 2008 foi elixido presidente da agrupación local de Novas Xeracións para pasar a presidir a agrupación provincial entre o 2010 e o 2015. É deputado no Parlamento de Galicia dende as últimas eleccións autonómicas.
Daniel Vega está estreitamente vencellado co sector agrogandeiro. Como técnico agrícola desenvolveu o seu labor profesional nunha cooperativa do sector lácteo realizando labores de aconsellamento e asesoramento gandeiro nas propias instalacións. Tamén traballou como técnico para a certificación da Raza Rubia Gallega.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
