Viveiro, 4 de decembro de 2018. Coincidindo co inicio da ponte festiva de decembro, este mércores, día 5, o Concello de Viveiro procederá ao acendido das luces de nadal; ademais, o próximo venres, 7 de decembro, ás 19:00 horas, terá lugar a inauguración do belén a tamaño real “Viveiro ante o berce”, na que se servirá unha chocolatada.
Este Belén, que poderá visitarse no atrio da Igrexa de Santa María ata o 13 de xaneiro de 2019, está considerado como un dos máis importantes de Galicia e destaca pola súa beleza, pola dimensión das súas pezas, pola extensión do seu conxunto e por instalarse nun enclave histórico-monumental único.
Pode considerarse como un dos referentes do Nadal galego e dende o concello constátase como cada ano se incrementa o número de visitantes, sendo frecuente recibir chamadas de asociación ou centros educativos, tanto de Galicia como de fóra de Galicia, pedindo información para organizar excursións co fin de visitalo.
Dende o concello enténdese que tanto o Belén “Viveiro ante o Berce” como o alumeado de Nadal son dous elementos fundamentais para crear o ambiente propio do Nadal, resultando ser en ambos casos importantes dinamizadores dende un punto de vista económico e turístico.
Coincidindo co inicio da ponte festiva de decembro, este mércores o Concello de Viveiro procederá ao acendido das luces de nadal
Relacionado
-
Aberto o prazo de inscrición na xornada de formación sobre marketing dixital para axentes do sector turístico da Mariña, que terá lugar o 7 de maio en Lourenzá
-
Arranca en Burela ‘Capitán Mareas’, o programa educativo de Vegalsa-Eroski respaldado por Mar para promover o consumo dos produtos marítimo-pesqueiros entre o público infantil
-
Ribadeo licitará obras de mellora en dous pavillóns deportivos cun investimento que supera os 283.000 euros
Sétimo día de concentracións en defensa dos pacientes da Mariña "e a situación, din, manténse como o primeiro día, con carencias graves de persoal facultativo especialista en dermatoloxía, neuroloxía, reumatoloxía, dixestivo, radioloxía, uroloxía, cardioloxía ou medicina interna".
Durante o seu percorrido pola feira, a conselleira puxo de relevo a importancia de eventos deste tipo que contribúen á dinamización das zonas rurais e, neste caso, a dar a coñecer o traballo que desenvolven estes artesáns do ferro.
O conselleiro do Mar asistiu ao xantar da III Festa das Xeracións na carpa da Praza dos Campos.
En total puxeron á venda 300 kgs de mexillóns na carpa instalada para a celebración deste evento gastronómico, que tivo por obxectivo poñer en valor un produto do mar como é o mexillón. A xornada contou con amenización musical. Ata Rinlo se achegaron o alcalde, Dani Vega, as concelleiras de Turismo, Cultura e Benestar Social, Marta Saiz, Begoña Sanjurjo e Elena Sierra, e o conselleiro do Mar, Alfonso Villares.
Tras o partido que se decidiu na tanda de penaltis a favor do equipo da Mariña, o responsable provincial valorou "o encontro como unha mostra do gran nivel do fútbol sala feminino na provincia con dous equipos que ofreceron unha gran espectáculo deportivo" e destacou "o bo ambiente no pavillón coas afeccións apoiando en todo momento ás súas xogadoras".
Chámase Jilgueritos e xa se integrou na Asociación de Comerciantes, Industriais, Servizos e Autónomos (ACISA) de Ribadeo.
Está fixada para as 20:00 horas en primeira convocatoria e media hora despois en segunda. A orde do día inclúe estes asuntos a tratar: lectura e aprobación, se procede, da acta da asemblea anterior; estado de contas da asociación; informe de actividades desenvolvidas; informe do director da Banda; e preguntas e suxestións.
