Esta colaboración parte dunha Tese de Fin do Máster de Xestión Pesqueira Internacional que se imparte na Universidade alicantina, que actualmente celebra a súa sétima edición e conta coa colaboración do Centro Internacional de Altos Estudios Agronómicos Mediterráneos (CIHEAM); a Secretaría Xeral de Pesca do Ministerio de Agricultura, Pesca e Alimentación; a Comisión Xeral de Pesca do Mediterráneo e a Organización das Nacións Unidas para a Alimentación e a Agricultura (FAO).
Thaya Mirinda Dinkel é a alumna do Máster de Xestión Pesqueira Internacional que está a realizar esta Tese, e conta coa colaboración dos armadores de palangre de superficie da OPP-07 para recopilar, tanto de forma individual como conxunta, as principais características destas pesquerías a través dos seus coñecementos pesqueiros. Tamén está prevista a colaboración neste proxecto da Asociación Nacional de Armadores de Buques Palangreiros de Altura (ANAPA) e a Asociación Provincial de Armadores de Buques de Pesca de Palangre e Outras Artes de Pontevedra (ARPOAN).
O obxectivo das prácticas é analizar alternativas de mellora na xestión de marraxo dientuso e da tintorera no Atlántico, analizando, desde unha perspectiva de coñecementos da pesca tradicional, distintos modelos de xestión (cuotas, esforzo), así como posibles medidas técnicas aplicables ás pesquerías (anzol, zonas de pesca, tallas mínimas), que poden servir, sobre todo, para a zona do Atlántico Norte, que é onde opera a maioría da flota da OPP-07.
O programa de traballo inclúe reunións con armadores, patróns de pesca, técnicos e expertos na materia, expertos da Comisión Internacional para a Conservación do Atún Atlántico (ICCAT), científicos do Instituto Español de Oceanografía (IEO) e representantes da Secretaría Xeral de Pesca do MAPA e da Consellería do Mar da Xunta de Galicia.
Según Javier Garat, secretario xeral de CEPESCA, “a colaboración entre o sector pesqueiro e a comunidade científica é a base da mellora continua da xestión pesqueira e este convenio coa Universidade de Alicante está encaminado a continuar aumentando o coñecemento do estado e características dos stocks pesqueiros, para contribuir á definición das medidas máis apropiadas para garantir unha pesca sostible”.
O traballo de investigación e documentación comezou en novembro e extenderase durante os vindeiros meses, coa idea de presentar o resultado en xuño de 2019.
