A Mariña 19-11-18. A Asociación da comarca da Mariña Tá en artes convida ós concellos, centros escolares, asociacións culturais e cidadania en xeneral, á exposición antolóxica de Juan Puchades Quilis no Museo Provincial de Lugo este martes 20 de Novembro, ás 20 horas. Con este acto a Asociación cultural Tá pecha o ano adicado a este artista mindoniense dentro da programación establecida. Catro actos dende o mes de abril de 2018 no que se deenvolveron aas seguintes actividades:
1- Acto de Homenaxe en Mondoñedo con unha exposición colectiva de exalumnos/as do mestre, 49 obras 17 artistas e 500 catálogos, que foi amplamente visitada, e que contou ca colaboración e subvención do Concello de Mondoñedo.
2- Semana das artes da Mariña na súa quinta edición da Semana das Artes plásticas da Mariña, na que se mostraron 33 obras de 21 artistas mariñáns, e pola que pasaron máis de 2000 persoas. Esta mostra foi visitado por máis de 1700 alumnos/as dos 29 centros de ensino da Mariña. Contou con 500 catálogos e o apoio económico da Deputación e o concello de Foz.
3- Exposición dos centros escolares da Mariña dentro do 1º Premio Juan Puchades Quilis, subvencionado polo concello de Mondoñedo con 2.600 euros para as catro categorías educativas. Está pendentes de publicación 250 exemplares da Primeira revista escolar de arte da Mariña, na que se recollen os traballos de estudantes e profesores/as e contou 780 alumnos/as e 80 profesores dos centros da Mariña : EEI San Roque. Viveiro, Ceip Fondo Nois. Foz, Ceip Alvaro Cunqueiro. Mondoñedo, Ceip Vista Alegre. Burela. Aspanane, Viveiro, Ceip Castro de Ouro. Alfoz, IES Alfoz- Valadouro, IES Vilar Ponte. Viveiro, IES Monte Castelo. Burela, IES de Foz, IES Dionisio Gamallo. Ribadeo, IES San Rosendo de Mondoñedo.
4- Exposición antolóxica no Museo Provincial, organizada pola Deputación de Lugo e que recolle a faceta profesional de Juan Puchades Quilis, nado en Valencia e profesor no IES San Rosendo de Mondoñedo .
Esta Asociación agradece a colaboración prestada polos diferentes organismos oficiais, e sobre todo, a implicación dos/as profesores/as dos centros escolares implicados da Mariña, que resposta á consecución dos obxectivos que perseguimos para que o coñecemento dos creadores sexa traballado na teórica e práctica, para contribuír a un espazo de formación que non garante o Ensino Público.
Esta Asociación quere agradecer explicitamente o traballo da Pomba do Arco de Foz, que coincidindo ca Semana das Artes Plásticas, celebra unha serie de conferencias sobre a Arte, e que son únicas xornadas específicas sobre este tema, axudando así na formación neste campo os/as alumnos/as e a poboación en xeneral a cubrir un campo valeiro na Comarca.
ÚLTIMA HORA
- A Deputación aproba acordos e contratacións para ofrecer máis e mellores servizos á veciñanza cun investimento de case 2M€
- María José Gómez define os gandeiros como “garantes dunha parte moi importante da identidade de Galicia”
- Unha obra de Lionel Rexes finalista no Premio “Vilar Ponte” de Viveiro
- Teatro profesional no Valadouro no 25N co ‘Pano’, de Bátega
- O pasado domingo, 17 de novembro, reuniuse unha boa representación da familia Amieiro, de San Miguel, no restaurante El Huerto, en Villaframil, Ribadeo
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía. - Este pasado domingo, 17 de novembro, tivo lugar a tradicional comida próxima ó Nadal da Peña Deportivista de Burela
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo. - A Garda Civil investiga á suposta autora dun delito de simulación de delito de Barreiros
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial - A Deputada Carmela López participou este mércores en Viveiro na inauguración da exposición Celeiro: 100 anos de tradición pesqueira, acto central do centenario da Confraría de Pescadores Santiago Apóstol
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector. - O Festival Independente de Vilalba (FIV) celebrará a súa 18ª edición os vindeiros 25 e 26 de abril de 2025, consolidándose como un dos festivais máis importantes do panorama indie en Galicia
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita. - O Concello de Cariño acollerá este domingo, 24 de novembro, o espectáculo de maxia ‘Igualdade, onde estás?’, a cargo da artista A Meiga Fani
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa. - O Comandante Naval da Coruña e Ferrol, Javier García, visitou Ribadeo
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
2021 Crónica 3 A Mariña - Implementado por GaliciaDigital