Lugo, 22 de novembro de 2018. O Deputado de Medio Ambiente, Argelio Fernández Queipo, presentou este xoves, a 5ª Semana Escolar da Provincia, unha iniciativa organizada polo Goberno da Deputación, que ten como obxectivo divulgar entre a mocidade a realidade e a diversidade da natureza na provincia de Lugo. Con esta finalidade, a Deputación editou o libro-manual titulado Viaxe pola agroalimentación lucense, escrito por Alberto Ramos e ilustrado por Luz Darriba, ambos os dous presentes no acto, no que explicaron o programa de actividades deste ano. Nesta edición, que se desenvolverá do 26 ao 30 de novembro, participarán 609 profesores e 7.701 alumnos/as de 44 centros de Educación Secundaria inscritos.
Fernández Queipo subliñou que “este proxecto está concibido para divulgar coñecementos sobre o patrimonio natural da provincia nos cursos de Educación Secundaria. Dende o Executivo provincial, queremos que os máis novos adquiran esta información dunha maneira lúdica e entretida, a través dun discurso didáctico que poña en valor o medio ambiente e a súa relación co ser humano”.
O Deputado destacou que o obxectivo da 5ª Semana Escolar da Provincia “será espertar a curiosidade máis aló dos fenómenos esquemáticos e técnicos da materia de ciencias sociais; así como amosar o impacto e a relación que mantén o ser humano co medio ambiente”.
Viaxe pola agroalimentación lucense
O libro editado pola Deputación, Viaxe pola agroalimentación lucense, ten como fin achegar un mellor coñecemento da provincia á comunidade escolar. Está escrito por Alberto Ramos e ilustrado por Luz Darriba e conta cunha ampla selección de fotografías. É un caderno de ruta desde a perspectiva dun personaxe viaxeiro. Ana, de profesión etnógrafa, decide seguir os pasos da calidade agropecuaria/agroalimentaria da provincia de Lugo, indo aos lugares onde pode obter información, ademais de ver e palpar a realidade que seguramente non aparecerá nunha guía turística.
Durante a viaxe, Ana apóiase en personaxes, tamén de ficción coma ela, creados como soportes idóneos para o interese divulgativo do proxecto. Con todos eles, os escolares visitarán O Cebreiro, Mondoñedo, Vilalba, A Fonsagrada, Burela, O Courel, A Ribeira Sacra… facendo turismo cultural e coñecendo a súa gastronomía. Introdúcense algúns espazos destacados -fotografía e texto- sobre as vilas e aldeas visitadas co obxecto de situar dun modo tanxible e visual o percorrido.
Así, ademais de ir repasando os valores naturais da provincia -especialmente os protexidos-, facendo fincapé nas augas, na biodiversidade, no valor patrimonial dos mesmos e na importancia cultural que supoñen, o equipo vai analizando o impacto do ser humano no espazo natural ao tempo que descobre como o medio ambiente e o territorio condicionan a propia cultura, dende os usos agrícolas ou construtivos ata a gastronomía e as crenzas populares.
Actividades
A semana escolar comezará o 26 de novembro coa pegada de carteis do programa nos centros escolares por parte do alumnado. Para establecer as actividades que se desenvolverán ata o 30 de novembro elaborouse un programa con propostas de traballo e editouse unha Guía do profesorado coas pautas para utilizar o libro-manual que se distribuirá entre os escolares inscritos e o persoal docente.
Ao longo dos días, os participantes lerán nas aulas Viaxe pola agroalimentaicón lucense e realizarán as actividades propostas no libro-manual e na Guía do Profesorado, escollerán unha ou varias rutas e elaborarán muráis colectivos sobre a agroalimentación da provincia. Por último, confeccionarán carteis para promocionar a gastronomía lucense.
Para concluír as xornadas divulgativas, o 30 de novembro ás 12.00 horas terá lugar a Festa escolar da agroalimentación, na que se inaugurará a exposición de muráis realizados polo alumnado. Os centros participantes celebrarán unha serie de actos relacionados cos traballos realizados ao longo da semana escolar e a semana rematará cunha degustación colectiva de alimentos e receitas típicas da provincia.
Centros inscritos
44 centros de Educación Secundaria de toda a provincia participarán na 5ª Semana Escolar:
– IES Plurilingüe Fontem Albei do Concello da Fonsagrada
– IES Fonmiñá do Concello da Pastoriza
– IES Enrique Muruais do Concello da Pontenova
– IES de Becerreá do Concello de Becerreá
– IES Monte Castelo do Concello de Burela
– IES da Terra Chá, José Trapero Pardo do Concello de Castro de Rei
– IES Marqués de Sargadelos do Concello de Cervo
– IES Val do Asma do Concello de Chantada
– IES de Foz do Concello de Foz
– CPR Plurilingüe Nuestra Señora del Pilar Foz (Santiago)
– CPR Plurilingüe Martínez Otero Foz (Santiago)
– IES Poeta Díaz Castro do Concello de Guitiriz
– IES Ánxel Fole do Concello de Lugo
– CPR Plurilingüe San José do Concello de Lugo
– CPR La Inmaculada do Concello de Lugo
– CPR Plurilingüe Padres Franciscanos do Concello de Lugo
– CPR Galén do Concello de Lugo
– CPR Seminario Diocesano Sagrado Corazón do Concello de Lugo
– CPR Divina Pastora do Concello de Lugo
– CPR María Auxiliadora do Concello de Lugo
– IES Lucus Augusti do Concello de Lugo
– IES Nosa Sra. dos Ollos Grandes de Lugo
– IES Sanxillao do Concello de Lugo
– IES Pedregal de Irimia do Concello de Meira
– IES San Rosendo do Concello de Mondoñedo
– IES A Pinguela do Concello de Monforte de Lemos
– CPR Plurilingüe Fundación Educativa Torre de Lemos do Concello de Monforte de Lemos
– CPR Ferroviario do Concello de Monforte de Lemos
– CPR Padres Escolapios do Concello de Monforte de Lemos
– IES Río Cabe do Concello de Monforte de Lemos
– IES Francisco Daviña Rey do Concello de Monforte de Lemos
– IES de Monterroso do Concello de Monterroso
– IES de Quiroga do Concello de Quiroga
– IES Río Miño do Concello de Rábade
– Centro Público Santo Anxo de Rábade
– CPR Sagrado Corazón de Jesús do Concello de Ribadeo
– IES de Ribadeo Dionisio Gamallo do Concello de Ribadeo
– CPR Plurilingüe Ntra. Sra. de la Asunción do Concello de Sarria
– IES Gregorio Fernández do Concello de Sarria
– IES Xograr Afonso Gómez de Sarria
– IES Lois Peña Novo do Concello de Vilalba
– IES María Sarmiento do Concello de Viveiro
– IES Vilar Ponte do Concello de Viveiro
– IES Illa de Sarón do Concello de Xove
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
