Mondoñedo, 13 de novembro de 2018. O Grupo de Desenvolvemento Rural (GDR) Terras de Miranda presentou esta mañá os resultados do proxecto de turismo “Terras de Miranda – Turismo de Lugo”, iniciativa financiada con fondos europeos a través do programa Leader. Terras de Miranda é un territorio que abrangue os municipios de Ribadeo, Barreiros, Foz, Burela, Cervo, Xove, Viveiro, O Vicedo, Ourol, O Valadouro, Alfoz, Mondoñedo, Lourenzá e Trabada.
Durante os últimos 6 meses realizáronse distintas accións encamiñadas á mellora da competitividade do sector turístico na Mariña. Por unha banda buscouse a implicación dos distintos axentes que conforman a oferta, polo que se acometeu un plan de captación, véndose incrementado o número de empresas adheridas ao proxecto. Por outra banda, incidiuse en aspectos formativos de orientación práctica, para o cal se organizaron obradoiros de marketing online e de creación de sinerxías no destino.
A maiores, realizáronse visitas de avaliación da calidade e de asesoramento individualizado en máis de 30 empresas turísticas, co gallo de incorporar coñecemento sobre a realidade de cada negocio. A partir da información recollida elaboráronse informes de diagnóstico que servirán ao GDR para o deseño de futuros proxectos.
Unha das iniciativas que máis interese suscitou entre os axentes vinculados ao sector turístico foi o deseño de experiencias paquetizadas. Agrupan en total a 8 establecementos de aloxamento, 29 recursos turísticos, 12 concellos, 11 establecementos de restauración e 27 produtores e museos. Todos eles foron seleccionados para esta primeira edición de paquetización por razóns de equidade territorial, redistribución de fluxos turísticos e fomento do turismo sostible. Resulta especialmente destacable que as experiencias están deseñadas para épocas de menor ocupación, posto que a desestacianalización tórnase como obxectivo prioritario para o GDR.
Os resultados foron presentados este martes nun concurrido acto público presidido polo presidente do GDR Terras de Miranda, Vidal Martínez Sierra- López, e a xerente, Mª Elena Martínez Paz. Asistiron tamén autoridades dos municipios implicados, así como representantes dunhas trinta empresas adheridas. A presentación da parte técnica correu a cargo da empresa executora, Valora Consultores.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
