A punto de esgotarse as prazas para asistir ós obradoiros de cociñado de peixes e mariscos do GALP 1 A Mariña-Ortegal que se van celebrar este sábado en Barreiros e Ribadeo

A Mariña 23-11-18. Seguindo o seu periplo polos concellos costeiros da Mariña-Ortegal, este sábado, o cociñeiro Miguel Mosteiro vai a impartir os talleres que organizan os Grupos de Acción Local Pesqueira (GALP 1) nos concellos de Barreiros e Ribadeo. O alto ritmo de inscripción denota unha vez máis o elevado interés que estes obradoiros están a espertar e son xa limitadas as prazas dispoñibles.
O emprazamento elexido polo Concello de Barreiros son os Colexios Vellos de San Miguel de Reinante e a acción formativa dará comenzó ás 10:00 h rematando ás 14:30 h. As inscripcións pódense realizar chamando á oficina de Turismo no tlfno. 982 124 002
No tocante ó Concello de Ribadeo, o taller de cociñado terá lugar na Aula Fogar da Escola de Música en R/ Clemente Passarón nº 10. e as inscripción pódense reservar no tlfno 982 128 650
Tamén se pode facer a reserva de praza no enderezo de correo electrónico obradoiroscocinamarinaortegal@gmail.com ou de xeito presencial nos propios talleres.
O contido da actividade formativa abarca dende novas formas de fileteado de peixes, desespiñado e novas receitas tamén con mariscos, algas e herbas de litoral do territorio e será o último dun programa que abarcou ós doce concellos costeiros do territorio Mariña-Ortegal