A Mariña, 19 de novembro de 2018. Do 26 de novembro ao 11 de decembro terán lugar os cursos de formación para profesionais da hostalería que organiza a Mancomunidade de Municipios da Mariña Lucense no marco do convenio asinado coa Axencia de Turismo de Galicia. Serán impartidos pola Asociación de Cociñeiros da comarca e desenvolveranse no restaurante O Asador del Alba, en Barreiros.
Como todos os anos, desde o 2016, a Mancomunidade ofrece formación específica para as empresas de restauración e hostalería, que se desenvolve grazas ao convenio firmado pola Mancomunidade e a Xunta, a través da Axencia de Turismo de Galicia. A devandita formación vai dirixida este ano ao persoal de cociña co interese de fomentar o produto local.
Esta formación estará impartida pola Asociación de Cociñeiros da Mariña, que busca coa súa entidade dinamizar, promocionar e relanzar o produto, os valores e a cultura gastronómica desta zona.
Os cursos ofertados, un total de seis, celebraranse en sesións de 3 horas os luns e os martes de cada semana desde o 26 de novembro ao 11 de decembro e en horario de 17.00 a 20.00 horas, para favorecer a asistencia do perfil ao que vai dirixido, que son as persoas que traballan nas cociñas da empresas mariñás.
Todos os cursos terán lugar no Restaurante O Asador del Alba, en Barreiros, e a capacidade dos mesmos será dun máximo de 20 persoas, polo que é preciso a inscrición previa en turismo@amariñalucense.gal
A continuación, amosamos o listado de cursos:
Curso: AS MASAS NAS MESAS. UN PAN PARA CADA PRATO.
Duración: 3 horas
Capacidade: 20 pax
Data: 26 de novembro
Horario: de 17.00h a 20.00h
Imparte: Waldo Jose González Redondo – Panadería Rubal (Mondoñedo)
Lugar de celebración: Restaurante O Asador del Alba. Calle Cruz do Lobo, 4 (San Cosme) Barreiros. + info aquí
Curso: COCIÑA DE TRADICIÓN CON TÉCNICAS ACTUAIS.
Duración: 3 horas
Capacidade: 20 pax
Data: 27 de novembro
Horario: de 17.00h a 20.00h
Imparte: David Rodriguez Moledo – Restaurante A Mirandilla de Rinlo (Ribadeo).
Lugar de celebración: Restaurante O Asador del Alba. Calle Cruz do Lobo, 4 (San Cosme) Barreiros. + info aquí
Curso: TÉCNICAS DE COCIÑADO AO BALEIRO E CONSERVACIÓN.
Duración: 3 horas
Capacidade: 20 pax
Data: 3 de decembro
Horario: de 17.00h a 20.00h
Imparte: Jesus Villarino Gavin – Restaurante O Asador del Alba (Barreiros).
Lugar de celebración: Restaurante O Asador del Alba. Calle Cruz do Lobo, 4 (San Cosme) Barreiros. + info aquí
Curso: FONDOS, CALDOS E SALSAS.
Duración: 3 horas
Capacidade: 20 pax
Data: 4 de decembro
Horario: de 17.00h a 20.00h
Imparte: Bruno Pena Arnaú – A Horta Da Paula (Mondoñedo).
Lugar de celebración: Restaurante O Asador del Alba. Calle Cruz do Lobo, 4 (San Cosme) Barreiros. + info aquí
Curso: ALGAS E PLANTAS MARIÑAS.
Duración: 3 horas
Capacidade: 20 pax
Data: 10 de decembro
Horario: de 17.00h a 20.00h
Imparte: Alejandro Arca Uria – Arume Gastrobar (Viveiro)
Lugar de celebración: Restaurante O Asador del Alba. Calle Cruz do Lobo, 4 (San Cosme) Barreiros. + info aquí
Curso: PEIXES E MARISCOS.
Duración: 3 horas
Capacidade: 20 pax
Data: 11 de decembro
Horario: de 17.00h a 20.00h
Imparte: Michel Cociña – Casa Miranda (Burela).
Lugar de celebración: Restaurante O Asador del Alba. Calle Cruz do Lobo, 4 (San Cosme) Barreiros. + info aquí
O presidente da Mancomunidade de Municipios da Mariña, Alfredo Llano, dixo que “un dos obxectivos que ten a Mancomunidade é favorecer en todos os aspectos o turismo, e sobre todo a calidade que se vai ofrecer aos turistas que se acheguen á Mariña. Pretendemos tamén crear un turismo fluído durante todo o ano, que sexa non soamente no verán senón que veña desde xaneiro a decembro, e que haxa fluidez, interese e moito que ofrecer na comarca da Mariña”.
Llano subliñou que “unha das iniciativas que tivo a Mancomunidade, xa fai anos, foi promover, patrocinar e favorecer que se mellorara moito a atención ao público en restauración e en hoteis. Hai dous anos déronse cursos para mellorar as cartas que se presentan nos restaurantes en varios idiomas, e que os camareiros puideran tamén aclarar as dúbidas que tiveran os clientes. Ese curso tivo moito éxito e houbo moita participación, estábamos a Mancomunidade, Educación e o IES de Foz”.
E engadiu que “este ano queremos seguir con este tipo de formación para que os nosos restaurantes sexan mellores cada día, e poidan ofrecer cousas que sexan singulares, estean moi preparadas e sexan moi valoradas pola xente que veña aquí a visitarnos. Polo tanto imos comezar a facer uns cursos formativos que este ano van dedicados practicamente á cociña única e exclusivamente. Os responsables formativos van ser a Asociación de Cociñeiros da comarca da Mariña. Queremos que sexa un éxito, que chegue ao máximo de persoas, imos tratar de levalo para adiante da mellor maneira posible e que teña o máximo de participación. Xa digo que esta é unha das condicións que queremos poñer en valor, que queremos ter aí para que dalgunha maneira a Mancomunidade siga apoiando a todos os sectores, e neste caso ao sector da restauración”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
