A Mariña, 17 de novembro de 2018. Mais de mil establecementos comerciais e hostaleiros se sumaron onte á campaña OLLO realizada pola FCAM. Ás 8 da tarde apagaron as luces dos seus escaparates, dos seus rótulos, dos seus negocios co obxectivo de concienciar á poboación da importancia que ten este sector para a vida dos pobos. A campaña desenvolveuse en Vicedo, Covas, Viveiro, Xove, Burela, Foz, Lourenzá e Ribadeo e foi secundada por centos de locais asociados e outros moitos que se quixeron sumar a esta iniciativa.
Desde primeiras horas da mañá os establecementos foron empapelando os escaparates dos seus negocios simulando peches y colocaron a cartelería distribuída pola FCAM. E a partir das oito secundaron este apagón simbólico, que é unha chamada á reflexión para que os veciños e veciñas da Mariña sigan apostando polo forte comercio local co que conta esta comarca fronte ás grandes plataformas de venda on line.
O presidente da FCAM, José Carlos Paleo, lembrou que “A Mariña é un grande centro comercial aberto no que podemos atopar de todo”. E amosouse satisfeito pola acollida desta campaña: “desde a FCAM queremos agradecer a implicación do sector comercial, hostaleiro e de servizos nesta campaña e tamén o traballo realizado desde as oito asociacións que a integran. As redes sociais e os medios de comunicación foron os inmediatos portavoces de todo o que aconteceu onte entorno ao comercio mariñán”.
Paleo subliñou que “sen comercio, sen hostalería e sen servizos non hai pobos”.
Tras esta chamada de atención ás conciencias cidadás o traballo a prol do comercio local continúa. Os esforzos céntranse agora nas vindeiras campañas: Black Friday e Nadal, que arrincan dentro duns días. José Carlos Paleo lembrou que “estamos nunha zona privilexiada onde é posible mercar paseando ao aire libre e sen presas, disfrutando do patrimonio cultural e paisaxístico e dunha exquisita gastronomía. Estamos nunha comarca pola que pasan milleiros de persoas ano tras ano e na que moitas teñen a súa segunda residencia. Iso é o reflexo da forza e da puxanza que ten esta comarca e que teñen os seus negocios. Traballando todos e todas xuntos seremos máis e teremos máis posibilidades”.
A FCAM agradece o apoio das administracións que estiveron ao seu carón na campaña realizada onte.
A Federación de Comercio A Mariña agrupa a 900 negocios que xeran máis de 3.000 empregos e 10.000 colaboracións e conta cun volume de facturación duns 300 millóns de euros anuais.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
